KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Opshonnan stratégiko pa Ennia Aruba

WILLEMSTAD/PHILIPSBURG/ORANJESTAD — Centrale Bank van Curaçao en Sint Maarten (CBCS)
ta studiando e opshonnan stratégiko ku lo por usa relashoná ku Ennia Caribe Holding (Aruba)
N.V. (ECHA) i su empresanan filial (Ennia Aruba). E filialnan finansieramente sólido akí ta bou di
supervishon di Centrale Bank van Aruba (CBA). Den e kuadro ei, CBCS i CBA a hiba kòmbersashon
konstruktivo ku otro tokante un posibel transakshon relashoná ku Ennia Aruba i e kondishonnan
ku lo mester kumpli kuné na momento di kompartí informashon miéntras ku e transakshon ta
den proseso. Dia 24 di mei 2024, e kòmbersashonnan akí a kulminá den firmamentu di un
Protokòl di Prosedimentu entre CBCS, CBA i (empresa mama di ECHA) Ennia Caribe Holding N.V.
(ECH).
Den e próksimo lunanan, CBCS lo eksplorá e opshonnan stratégiko ku por usa relashoná ku e
operashonnan di e grupo di seguro Ennia na Aruba, teniendo bon na kuenta e interesnan di tantu
Ennia Aruba i su aseguradonan, komo esnan di Grupo Ennia en general i su aseguradonan. Si e
proseso ya menshoná mester hiba na un kambio di kontrol den unu òf mas di e filialnan na Aruba,
CBA lo mester duna aprobashon previo pa esei. Pa e motibu ei, den e próksimo lunanan, CBCS i CBA
lo kolaborá estrechamente pa laga e proseso akí kana na un manera mas efisiente i efektivo posibel.
Willemstad, 17 di yüni 2024 Oranjestad, 17 di yüni 2024
CENTRALE BANK VAN CURAÇAO EN SINT MAARTEN CENTRALE BANK VAN ARUBA

 

639114718427035"
639114718427035"