Ekonomia di Kòrsou a krese ku 4,2 porshento na aña 2023

 

Willemstad; Di akuerdo ku e promé kalkulashonnan di Ofisina Sentral di Statistik (CBS) pa aña 2023, i a base di e datonan disponibel, e Produkto Interno Bruto di Kòrsou a subi ku 4,2 porshento, kompará ku e aña anterior. E kresementu moderá aki ta kontinuashon riba kresementu di e PIB durante e dos último añanan. E oumento di e Produkto Interno Bruto, ta wòrdu atribuí prinsipalmente na e kresementu kontinuo di aktividatnan turístiko.

E Produkto Interno Bruto esta, PIB na preisnan konstante ta un kalkulashon pa midi e tamaño di ekonomia. E kambio den volúmen di e PIB durante un periodo determiná, ta e punto di referensia pa midi e kresementu òf kontrakshon di e ekonomia. E kambio den volúmen ta kambio den balor ku ta wòrdu korigí pa desaroyo di preis.

Ta kalkulá e desaroyo ekonómiko a base di e kresementu di volúmen ku tabatin den e proseso di produkshon i a base di e desaroyo koyuntural. E informashon aki ta preliminar, pa motibu ku no ta tur dato di tur ramo di empresa ta disponibel ainda. Indikadónan ekonómiko ta estadístikanan ku ta duna e státus aktual di e ekonomia di un pais. Esaki ta dependé di sierto área di ekonomia (por ehèmpel industria, labor i preisnan).

E desaroyo ekonómiko den diferente ramo di empresa

• Konstrukshon E tasa di kresementu di e sektor di konstrukshon a disminuí di 7,1% pa 4,9% entre 2022 i 2023. Den 2023 tabatin vários proyekto di konstrukshon grandi ku ta reflehá e desaroyo faborabel den e sektor aki. Apesar di e desaroyonan aki, e kresementu tòg no a yega na e mesun nivel di 2022.
• Komèrsio E sektor di komèrsio a konosé un oumento konsiderabel den kresementu, di 7,9% na aña 2022 pa 9,3% na 2023. E subida aki ta bini dor di e kresementu di importashon di produktonan i diferente aktividat komersial di kompanianan.
• Horeca E sektor di horeca a rekuperá fuertemente despues di pandemia ku un 68% den 2022, miéntras ku e kresementu a baha den 2023 na 17,7%. E aktividatnan den e ramo di empresa di hotèl i restorant a krese ménos fuerte, kompará ku aña 2022. Destinashonnan ku durante añanan anterior tabata presta bon den e periodo aki, a sigui krese, miéntras ku destinashonnan ku den e añanan anterior tabata presta ménos bon, tambe ta mustra sifranan di kresementu positivo awor.
• Transporte E sektor di transportashon a krese den 2022 ku 17,3%, pero e kresementu aki a baha den 2023 na 11,4%. Den e ramo di transporte por opservá un disminushon den e aktividatnan den haf i un avanse signifikante den e aktividatnan na aeropuerto. E kantidat di aktividatnan di tènker, depósitonan di kònteiner i barkunan di karga ku ta drenta haf, ta aktividatnan di haf ku a baha.
• Servisionan Finansiero Tabatin un oumento leve den e kresementu den servisionan finansiero di 1,4% na 2022 pa 2,7% na 2023. E aktividatnan ekonómiko ta mustra un kresementu na bankonan komersial i tambe kompanianan di seguro.
• Gobièrnu i servisionan públiko E sektor aki a rekuperá for di un kontrakshon na aña 2022 pa un kresementu mínimo di 0,3% na 2023.
• Enseñansa (Privá) E sektor di enseñansa privá a eksperensiá un kontrakshon grandi di -3,9% na 2022 pa -5,0% na 2023. Un di e aktividatnan di mas importante ku a keda opservá ta e kantidat di studiantenan ku ta bira ménos.
• Salubridat i Kuido E sektor aki, ku na 2022 a krese ku 4,6%, a krese solamente ku 3,9% den 2023. E indikadónan di salu di mas importante, manera hospitalisashon i bishita di kliente na poli, ta señalá un bahada.

Ekonomia Mundial

Na 2023, ekonomia mundial a krese ku 3,2%, di akuerdo ku e “World Economic Outlook” di Fondo Monetario Internashonal. Den 2023, e ekonomia mundial a sigui krese kompará ku e subida di 3,4% na aña 2022. Ekonomianan avansá a mustra un oumento promedio di 1,6% den 2023. Na 2022 e kresementu aki tabata di 2,6%.

Na aña 2023, ekonomianan Latino Amerikano a mustra un kresementu promedio di 1,5%. Den e region di Karibe, esaki a subi ku 8,3%.

 

Pa mas informashon tokante otro ramonan empresarial i e desaroyo ekonómiko di aña 2023 por baha e artíkulo “Economische ontwikkeling 2023: Een standhoudende economie” for di e wèpsait di CBS,

https://www.cbs.cw/economische-ontwikkeling-2023-een-standhoudende-economie

 

---

 

De Curaçaose economie is in 2023 met 4,2 procent toegenomen

Willemstad; Volgens de eerste berekening van het CBS voor 2023, op basis van nu beschikbare gegevens, is het reële bruto binnenlands product (bbp) gestegen met 4,2 procent ten opzichte van het jaar daarvoor. De vertraagde groei volgt op twee achtereenvolgende jaren dat het bbp is gestegen. De toename van het reële bbp is vooral toe te schrijven aan toerisme verblijfsbezoeken die verder aantrekken.

Het reële bruto binnenlands product (bbp) of BBP in constante prijzen is een meting voor de omvang van de economie. De volumeverandering van het bbp in een bepaalde verslagperiode is de maatstaf voor de groei (of krimp) van de economie. Volumeveranderingen zijn waardeveranderingen die aan de hand van prijsveranderingen worden aangepast.

De economische groei wordt berekend aan de hand van de volumegroei in het productieproces en de conjunctuurontwikkeling. Deze gegevens zijn nog voorlopig, omdat nog niet over volledige gegevens van alle bedrijfstakken kan worden beschikt. De economische indicatoren zijn statistieken die de huidige status van de economie van een land aangeven, afhankelijk van een bepaald gebied van de economie (zoals de industrie, de werkgelegenheid, de prijzen, etc.).

De economische ontwikkeling analyses van enkele bedrijfstakken

• Bouw De bouwsector zag een afname in de groeisnelheid van 7,1% naar 4,9% tussen 2022 en 2023. Er zijn voor 2023 zeker een aantal grote projecten en constructies bijgekomen die de gunstige ontwikkeling in deze sector laat blijken. Toch heeft deze ontwikkeling niet het niveau van 2022 bereikt.

 

• Handel De handel sector kende een aanzienlijke stijging in groei, van 7,9% in 2022 naar 9,3% in 2023. De stijging is teweeggebracht door een toename van de goedereninvoer en de verschillende handelsactiviteiten van de bedrijven.

• Horeca De horeca sector, herstelde zich sterk na de pandemie met 68 procent in 2022, hoewel de groei in 2023 vertraagde tot 17,7procent. De activiteiten in de bedrijfstak hotels en restaurant zijn minder sterk gegroeid ten opzichte van het jaar 2022. Bestemmingen die het vorig jaar al goed deden, blijven ook in deze periode groeien maar bestemmingen die voorgaande jaren minder presteerden, laten nu ook mooie groeicijfers zien.
• Transport De transportsector groeide met 17,3% in 2022, maar deze groei vertraagde naar 11,4% in 2023. Bij transport zijn de activiteiten in de haven achteruitgegaan en de activiteiten in de luchthaven in het algemeen  met grote stappen vooruitgegaan. Het aantal tanker activiteiten en container ‘movements’, het aantal binnengeloodste schepen naar gewicht zijn gedaald bij de havenactiviteiten.
• Financiële Diensten De groei in financiële diensten nam licht toe van 1,4% in 2022 tot 2,7% in 2023. De economische activiteiten tonen een groei bij de commerciële banken en ook verzekeringmaatschappijen.
• Overheid & Publieke Diensten Deze sector herstelde zich enigszins van een krimp in 2022 naar een minimale groei van 0,3% in 2023.
• Onderwijs (Particulier) De particuliere onderwijs sector zag een grotere krimp, van -3,9% in 2022 naar -5,0% in 2023. Een van de belangrijkste activiteiten die waargenomen wordt zijn het aantal studenten, die minder zijn geworden.
• Gezondheids- en Welzijnszorg Deze sector, die in 2022 met 4,6% groeide, kromp met 3,9% in 2023. De belangrijkste gezondheidsindicatoren zoals opnames en eerste poliklinische cliëntbezoeken en anderen, wijzen op een daling.

 

De wereldeconomie

In 2023 is de groei van de wereldeconomie 3,2 procent, dit is overeenkomstig de “World Economic Outlook” van het Internationaal Monetair Fonds. In 2023 is de wereldeconomie doorgestegen in vergelijking met de groei van 3,4 procent in het jaar 2022. De ontwikkelde economieën geven een gemiddelde stijging aan van 1,6 procent in 2023, in 2022 was het een stijging van 2,6 procent.

In 2023 vertoont de economische ontwikkeling van Latijns-Amerika een gemiddelde groei van 1,5 procent. De Caribische regio is met 8,3 procent toegenomen.

 

Voor informatie van andere bedrijfstakken en meer details over de economische ontwikkeling van het jaar 2023 kunt u het artikel “Economische Ontwikkeling 2023: Een standhoudende economie:” downloaden van de website van het CBS, https://www.cbs.cw/economische-ontwikkeling-2023-een-standhoudende-economie