Pronóstiko di tempu pa Kòrsou i bisindario bálido te djabièrnè mainta 6:00 o.l., 28 di yüni 2024.

Pronóstiko

Pronóstiko di tempu pa Kòrsou i bisindario bálido te djabièrnè mainta 6:00 o.l., 28 di yüni 2024.
Kompilá: djaweps 27 di yüni 2024, 05:00 o.l. (09:00 UTC).

Tempu: Por lo general tiki nublá ku wer seku, miéntras mayan e chèns pa awa kai ta oumentá levemente. Tambe stòf di Sahara lo ta presente den e área.

Temperatura máksimo lo alkansá 33ºC i temperatura mínimo 28ºC.
Solo ta sali 06:14 i ta baha 19:04 o.l.

Bientu: Por lo general ost i moderá te basta fuerte; forsa 4 te 5 (20 te 39 km/ora, 12 te 21 nudo). De bes en kuando ráfaga te posiblemente fuerte; forsa 6 (40 te 50 km/ora, 22 te 27 nudo). Gradualmente ménos fuerte.

Situashon general: Ekstenshon di un preshon haltu lo influensiá e tempu riba parti ost di Laman Karibe i asina stroba formashon di wer signifikante den nos área te partinan di mayan. Mas despues, aserkando  fin di siman sin embargo, lo bai tin sufisiente humedat pa laga algu di awa kai riba parti di e isla. Mas ainda, e forsa di bientu moderá te basta fuerte di awe lo keda remplasá pa un brisa ménos fuerte durante e siguiente dianan, di manera ku lo bai ta un poko kalor.

Kondishon di laman: Moderá ku altura di olanan entre 1 i 1.5 meter (3 i 5 pia) i birando ménos haltu.

Sistemanan signifikante di wer tropikal: Ningun.

Fenómeno spesial: Ningun.

Perspektiva te djasabra mainta: Shelu lo ta parsialmente nublá ku wer un poko kalor. Tambe tin chèns pa algu di áwaseru lokalmente.

Meteorólogo: Coffie

E próksimo boletin di tempu lo wòrdu publiká djaweps 11:00 o.l. (15:00 UTC).