Tres detenshon pa violashon di lei di arma di kandela

KOMUNIKADO DI PRENSA 321/2024
21 yüli 2024
Tres detenshon pa violashon di lei di arma di kandela
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Relashoná ku un kaso di un tiramentu ku a tuma luga den oranan di mardugá awe 21 yüli
2024 den área di Banda’riba, kaminda un persona a keda alkansá ku un tiro prosedente di
un arma di kandela, Tim di Aresto a hasi tres detenshon.
Ta trata di:
A.W.P.C. di 20 aña di edat nasé na Kòrsou.
K.M.H.P. di 20 aña di edat i J.A.N.R. di 20 aña di edat i ámbos nasé na Repúblika
Dominikana.
Kontinuando ku e investigashon Tim di Atrako a tene un entrada hudisial na un kas den área
di Sans Souci kaminda e detenshonnan a tuma lugá.
Durante di e entrada akí a konfiská artíkulonan ku ta di importansia pa e investigashon.
No ta eskluí ku lo bai tin mas detenshon den e kaso akí.
A presentá e tres sospechosonan dilanti di un fiskal ouksiliar ku a ordená nan
enkarselamentu pendiente di mas investigashon.
