Detenshon pa un kaso di ladronisia

KOMUNIKADO DI PRENSA 335/2024
26 yüli 2024
Detenshon pa un kaso di ladronisia
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djabièrnè 26 di yüli 2024 alrededor di 08.00’or, Sentral di Polis a risibí informashon ku un
hòmber a kaba di hòrtá den un establesimentu den área di Nieuwestraat.
Mesora a dirigí polis na e sitio i na yegada no a topa ku e hòmber. Polis a kontinuá ku e
búskeda i den Concordiastraat a enkontrá e hòmber i a detené.
Ta trata di e hòmber A.G. di 63 aña di edat nasé na Kòrsou, relashoná ku e kaso di
ladronisia ariba menshoná.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.
