KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Detenshon relashoná ku ladronisia di vehíkulo

 

KOMUNIKADO DI PRENSA 336/2024
27 yüli 2024

Detenshon relashoná ku ladronisia di vehíkulo

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Relashoná ku un kaso di kiebro den un kas den area di Bonam, den kual malechornan lo
mester a bai ku un vehíkulo, e tim ku ta investigá ladronsia di vehíkulo konhuntamente ku
warda di polis Montaña a hasi un detenshon.
Djabièrnè 26 di yüli 2024 alrededor di 09.10’or e tim investigativo a detené e dama A.M.R.
di 23 aña di edat nasé na Repúblika Dominikana, na un adrès den Kirindongo Abou.
Despues di e detenshon a tene un entrada hudisial na e adrès ariba menshoná i a konfiská
artíkulonan ku ta di importansia pa e investigashon.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.

639114718427035"
639114718427035"