NOS SELEKSHON NASHONAL KATEGORIA U-15 TA KLA PA E 2024 CONCACAF GIRL’S UNDER-15 CHAMPIONSHIP KU LO TUMA LUGÁ DI 5 PA 11 DI OUGÙSTÙS
NOS SELEKSHON NASHONAL KATEGORIA U-15 TA KLA PA E 2024 CONCACAF GIRL’S UNDER-15 CHAMPIONSHIP KU LO TUMA LUGÁ DI 5 PA 11 DI OUGÙSTÙS
NA TRINIDAD & TOBAGO!
E siguiente selekshon ku lo representá Kòrsou lo ta nos selekshon nashonal femenino kategoria
U-15 ku ta preparando pa e CONCACAF Girl’s Under-15 Championship.
Nos selekshon, bou di guia di Gamal Douglas i Joël Victoria, tin vários luna ta praktikando pa nos partidonan di e torneo aki ku lo tuma lugá na Trinidad & Tobago di 5 pa 11 ougùstùs 2024.
Un total di 36 pais lo partisipá na e torneo aki ku a keda repartí den 3 liga, abase di nan puesto riba e tabla di posishon di CONCACAF. Liga A ta partí den 2 grupo di 4 pais, liga B den 4 grupo di 4 pais miéntras liga C tin 3 grupo di 4 pais.
Kòrsou ta partisipá den liga B grupo C huntu ku Trinidad & Tobago, Antigua & Barbuda i Grenada.
Skema liga B grupo C:
| Fecha | Oraio | Tim di kas | Bishitante | Stadion | |
| 1 | 5-8-2023 | 11:00 AM | Grenada | Kòrsou |
Ato Boldon Stadium (Trinidad & Tobago) |
| 2 | 6-8-2023 | 3:00 PM | Kòrsou | Trinidad & Tobago | |
| 3 | 8-8-2023 | 9:00 AM | Kòrsou | Antigua & Barbuda |
Di 5 pa 9 di ougùstùs lo tin e partidonan preliminar i dia 11 di ougùstùs lo tin e partidonan di semi final i final di e torneo aki.
Mas ku klaro Kòrsou ta kontinuá ku e preparashonnan pa duna un bon presentashon durante nos partidonan di e 2024 CONCACAF Girl’s Under-15 Championship ku ta tuma lugá na
Trinidad & Tobago.
Keda pendiente pa mas informashon…
