INVESTIGASHON DI INSPEKSHON riba konfiskashon di benefisio optené di forma ilegal
INVESTIGASHON DI INSPEKSHON riba konfiskashon di benefisio optené di forma ilegal
WILLEMSTAD—Konseho pa Mantenshon di Lei (awor padilanti, RvR) a realisá un investigashon tokante konfiskashon, na Kòrsou, di benefisio optené di forma ilegal.
Den e investigashon akí, RvR ta determiná kon konfiskashon di benefisio optené di forma ilegal ta reglá den lei, di ki manera a implementá e medida akí na e organisashonnan enkargá ku su ehekushon, kua ta e prosedimentunan ku mester sigui i kon esaki ta wòrdu manehá.
Legislashon
Den kontenido, konfiskashon di benefisio optené di forma ilegal ta reglá den Kódigo Penal di Kòrsou. Su aspektonan formal ta reglá den Kódigo di Prosedimentu Penal.
Meta di e medida di konfiskashon ta di mustra ku krímen pa saka benefisio finansiero no ta paga. P’esei, si un persona a saka benefisio for di un krímen ku el a keda kondená p’e, e meta ta di pone e persona ei bèk den e mesun posishon finansiero ku e tabata aden promé ku el a kometé e krímen.
E tema akí ta reglá klaramente den e leinan di Kòrsou, i lei ta duna e organisashonnan enkargá ku investigashon, esta, Ministerio Públiko (OM), Kuerpo Polisial Kòrsou (KPC), Landsrecherche Curaçao (LrC) i Recherche Samenwerkingsteam (RST) sufisiente instrumento pa por konfiská benefisio optené di forma ilegal.
Maneho
Apesar ku no a desaroyá un maneho stratégiko pa konfiskashon di benefisio optené di forma ilegal, tur e organisashonnan enbolbí ta hasiendo nan bèst pa implementá konfiskashon di benefisio optené di forma ilegal mihó posibel.
Organisashon
RvR ta konstatá ku tantu OM, KPC komo LrC ta konfrontando falta di personal. Fuera di esei, e organisashonnan akí no ta disponé di sufisiente rekurso material i finansiero pa por funshoná na un manera óptimo. E echo ku KPC i LrC por konta ku asistensia di RST ora ta nesesario pa trata kaso di konfiskashon ta algu ku RvR ta mira komo positivo. No opstante, RvR ta konsiderá ku ta importante pa tur e organisashonnan enbolbí disponé di sufisiente rekurso pa por atendé konfiskashon di benefisio optené di forma ilegal na un manera óptimo. Den su reakshon, Minister di Hustisia a duna di konosé ku e ehersisionan nesesario ta tumando lugá den su ministerio pa konfiskashon di benefisio optené di forma ilegal por sosodé na un manera efektivo. Den e kuadro ei, el a menshoná un plan di mas aña, di 2023 te ku 2026, pa reklutamentu di personal, entre otro pa KPC i LrC. Tambe, Minister di Hustisia a indiká ku a reservá rekurso finansiero riba servisio di kapital. P’esei mes, RvR ta konfia ku e falta di rekurso menshoná lo keda resolvé riba korto plaso.
Kooperashon
E kooperashon ku tin entre e diferente organisashonnan enkargá ku investigashon pa konfiskashon di benefisio optené di forma ilegal ta algu ku RvR ta konsiderá positivo.
Por lo demas, RvR ta di opinion ku, riba agènda di sektor hudisial, mester duna mas prioridat na konfiskashon di benefisio optené di forma ilegal, ya ku ta asina so por duna un señal bon kla di ku krímen no ta paga.
INSPECTIE-ONDERZOEK Ontneming wederrechtelijk verkregen voordeel
WILLEMSTAD – De Raad voor de Rechtshandhaving (hierna de Raad) heeft een onderzoek gedaan naar de ontneming van wederrechtelijk verkregen voordeel in Curaçao.
In dit onderzoek gaat de Raad na hoe de ontneming van wederrechtelijk verkregen voordeel wettelijk geregeld is, op welke wijze deze maatregel in de uitvoerende organisaties is ondergebracht, welke procedures gevolgd moeten worden en op welke wijze de aansturing hiervan verloopt.
Wetgeving
De ontneming van wederrechtelijk verkregen voordeel is materieel geregeld in het Wetboek van Strafrecht van Curaçao en formeel in het Wetboek van Strafvordering.
De ontnemingsmaatregel heeft als doel de veroordeelde die voordeel heeft verkregen door een misdrijf terug te brengen in dezelfde financiële positie als vóór het misdrijf om zo te laten zien dat het plegen van misdrijven, met financieel gewin als doel, niet loont.
De wetgeving van Curaçao is duidelijk en biedt reikt de opsporingsorganisaties, te weten het Openbaar Ministerie (OM), het Korps Politie Curaçao (KPC), de Landsrecherche Curaçao (LrC) en het Recherche Samenwerkingsteam (RST) voldoende handvatten om het wederrechtelijk voordeel te ontnemen.
Beleid
Hoewel er geen algemeen strategisch beleid is ontwikkeld voor ontneming van het wederrechtelijk verkregen voordeel, doen alle betrokken organisaties hun best om de ontneming van wederrechtelijk verkregen voordeel zo goed mogelijk uit te voeren.
Organisatie
De Raad constateert dat zowel het OM, het KPC als de LrC kampen met een tekort aan personeel. Ook beschikken deze organisaties niet over voldoende materiele en financiële middelen om optimaal te kunnen functioneren. De Raad acht het positief dat het KPC en de LrC bij de behandeling van ontnemingszaken, wanneer het noodzakelijk is, kunnen rekenen op bijstand van het RST. De Raad acht het echter van belang dat alle betrokken organisaties over voldoende middelen beschikken om de ontneming van wederrechtelijk verkregen voordeel optimaal aan te kunnen pakken.
Bij wederhoor heeft de Minister van Justitie te kennen gegeven dat binnen zijn ministerie inspanningen verricht worden om op doeltreffende wijze het wederrechtelijk verkregen voordeel te ontnemen. Hij noemde hierbij het meerjarig instroomplan voor 2023 tot en met 2026 om personeel te werven voor onder meer het KPC en de LrC. Ook gaf de Minister van Justitie aan dat er financiële middelen zijn toegewezen op de kapitaaldienst. De Raad vindt het dan ook vertrouwenwekkend dat de genoemde tekorten spoedig zullen worden opgelost.
Samenwerking
De samenwerking tussen de opsporingsorganisaties die met de onderzoeken van ontneming van wederrechtelijk verkregen voordeel belast zijn wordt als positief ervaren.
De Raad is verder van oordeel dat de ontneming van wederrechtelijk verkregen voordeel een hogere prioriteit op de justitiële agenda moet krijgen omdat alleen op deze wijze een duidelijk signaal afgegeven wordt dat misdaad niet loont.







































