NOS SELEKSHON NASHONAL MASKULINO U-14 TA NA TRINIDAD & TOBAGO PA PARTISIPÁ NA E 2024 CFU BOYS’ U-14 CHALLENGE SERIES!

 

 

Ayera mèrdia nos selekshon a biaha pa Panama di transito pa sigui rumbo pa Trinidad & Tobago pa nan partisipashon na e 2024 CFU Boys’ U-14 Challenge Series. Nos selekshon a yega bon i lo kontinuá ku e preparashonnan pa nos promé partido ku lo tuma lugá djasabra binidero den Stadion Ato Boldon na Trinidad & Tobago pa 4’or di atardi kontra French Guyana.

Nos selekshon ta konsistí di un grupo di 16 hungadó lokal ku tin vários luna den preparashon i tambe 4 hungadó di Hulanda ku a bin reforsá nos selekshon. Nos 4 refuersonan tambe ta na Trinidad & Tobago pa kontinuá ku e preparashonnan pa nos partido di djasabra binidero.

Ta trata aki di Suehayverick Jabob ku ta militá den VV Wieldrecht, Chris Tujeehut ku ta hungadó di AFC Ajax, Abel Visschers di Forum Sport i Shergiano Windster ku ta hunga den Vitesse Delft. 4 hungadó ku sigur lo duna un man pa fortalesé nos selekshon durante e torneo aki.

Preparashonnan ta kontinuá pa nos selekshon nashonal kategoria U-14 duna tur ku tin durante nos partidonan di e 2024 CFU Boys’ U-14 Challenge Series!

 

14 ougùstùs 2024

Nos 4 refuersonan; Suehayverick Jacob, Chris Tujeehut, Abel Visschers i Shergiano Windster