SDKK a usa protokòl di evakuashon di forma efektivo durante wikènt último
Kòrsou, 22 di sèptèmber 2024
WILLEMSTAD – Durante wikènt último, e personal di Sentro di Detenshon i Korekshon
Kòrsou a risibí un yamada na sentral di e instituto den kual e yamada anónimo a indiká ku
lo mester tin un artefakto eksplosivo den blòk 8B. Di forma inmediato despues di e yamada,
e personal atento di SDKK a inisiá nan prosedura interno relashoná ku e yamada i a hasi uso
di e protokòl di evakuashon ku tin preskribí. A informá mesora gerensia i outoridatnan
kompetente di e notifikashon enkuestion.
Durante di e investigashon den e instituto a hasi uso di un tim di eksperto eksplosivo di
Kuerpo Polisial pa bin na sitio pa hasi un investigashon preventivo. Resultado di e
investigashon preventivo a indiká ku ta trata di un notifikashon falsu i ku no tabata tin nada
di gravedat. Despues di e investigashon a restablesé tur e klientenan di blòk 8B bèk den e
blòk i a kontinuá ku e órden di dia den e instituto.
Tantu SDKK i tambe Minister di Hustisia ta lamentá ku deskonosínan ta purba di stroba
órden den e instituto i ta hasi mal uso dor di duna yamada falsu di e índole aki. Mas aun ta
di rekordá nos kada un ku esaki ta un akto kastigabel na momentu ku kometé un denunsiá
falsu, i ku outoridatnan hudisial lo hasi investigashon nesesario den e kaso aki.