KOMUNIKADO DI PRENSA 418/2024
25 sèptèmber 2024

Detenshon relashoná ku atrako

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Kontinuando ku investigashon den e kaso di atrako ku a tuma lugá dia 11 di sèptèmber 2024
den Kaya Kanelublum, polis a hasi un detenshon.
Djárason 25 di sèptèmber 2024 alrededor di 05.32’or, Tim di Aresto a hasi detenshon di e
hòmber A.D.R.S. di 21 aña di edat nasé na Kòrsou.
Su detenshon a tuma lugá na un kas den área di Montaña Rey.
Despues di su detenshon tim di Atrako a tene un entrada hudisial na e adrès ariba
menshoná i durante di e entrada hudisial a haña i konfiská artíkulonan ku ta di importansia
pa e investigashon.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.