Konferensia Nashonal di Turismo 2024 ta konkluí ku firmamentu di dekreto nashonal dirigí riba Desaroyo Sostenibel di Turismo
Konferensia Nashonal di Turismo 2024 ta konkluí ku firmamentu di dekreto nashonal dirigí riba Desaroyo Sostenibel di Turismo
WILLEMSTAD- 27 di sèptèmber 2024 – Riba 27 di sèptèmber a tuma lugá e Konferensia Nashonal di Turismo dirigí riba kresementu sostenibel di e industria di turismo. E konferensia ta e kulminashon di 5 pre-konferensia ku a tuma lugá durante e promé mitar di aña. E ophetivonan di e konferensia tabata pa primeramente konmemorá Dia Mundial di Turismo, dor di resaltá e importansia di e industria di turismo pa Kòrsou, lanta e konsiensia i promové partisipashon entre stakeholders referente e tema sentral, proponé resolushonnan ku por keda implementá pa manehá e kresementu di turismo i por último pa mehorá e efektividat di plannan di desaroyo sostenibel dor di instituí un struktura di implementashon nobo. E konferensia organisá pa Ministerio di Desaroyo Ekonómiko (MEO), Ofisina di Turismo di Kòrsou (CTB) i Curaçao Hospitality & Tourism Association (CHATA) a konta ku partisipashon di mas di 300 persona. Apertura di e konferensia a keda hasí pa Minister di Desaroyo Ekonómiko, sr. Charles Cooper ku a enfoká riba e importansia di industria di turismo pa Kòrsou, e kresementu ku nos ta eksperensiando komo pais i e ròl di kada aktor den esaki.
Komo parti di e programa di e konferensia a invitá Sekretario-General i CEO di Caribbean Tourism Organization, sra. Dona Regis-Prosper komo orador prinsipal pa kompartí su konosementu ku esnan presente. Sra. Regis a trata e tópiko di kresementu di turismo na Kòrsou di un manera sostenibel. Den su spich sra. Regis a indiká ku “Karibe ta e region mas dependiente di turismo, ku un kontribushon di 11.4% na e GDP di e region, 2.75 mion trabou generando un total di $41.4 bion na entrada generá for di loke e turista ta gasta. E sifranan aki ta resaltá e importansia di eventonan manera esun di awe i diálogonan ku lo sigui ku mira riba kresementu sostenibel i resiliensia di nos industria di turismo.” Den kuadro di e tópiko sentral di e konferensia sra. Regis a kompartí e 5 P-nan di turismo sostenibel kual ta people (hende), planeta, prosperidat, propósito i partnership i el a añadí un di 6 P ku ta para pa pas kual tabata e tema sentral di Dia Mundial di Turismo e aña aki. Mas aleu e programa a inkluí diferente foro habrí kaminda ekspertonan lokal a kompartí nan konosementu riba tópikonan manera; konstruyendo un futuro sostenibel i empoderá i envolví nos komunidat lokal. Tambe a invitá kompanianan pa kompartí nan eksperensia i strategianan di ehekushon di nan aktividatnan ku esnan presente.
Durante e último seshon a kompartí ku esnan presente e 12 resolushonnan ku a keda skohé komo prioridat for di un lista di 24 resolushon ku a sali for di e 5 pre-konferensianan. Ta trata di resolushonnan ku e meta pa logra kresementu sostenibel di e industria di turismo. Un di e resolushonnan ta institushon di un struktura di implementashon nobo ku ta kubri e siguiente 5 ministerionan: Ministerio di Desaroyo Ekonómiko (MEO), Ministerio di Transporte i Infrastruktura (VVRP), Ministerio di Medio Ambiente (GMN), Ministerio di Edukashon i Kultura (OWCS) i Ministerio di Desaroyo Sosial i di Labor (SOAW). E ministernan ta forma parti di e steering committee kual ta presidí pa e Minister di Ekonomia. E struktura di implementashon nobo a keda formalisá ku firmamentu di un dekreto nashonal. E meta di e struktura nobo ta pa logra pa aselerá implementashon di e diferente akshonnan aliniá na e Strategic Tourism Destination Development Plan. Ademas lo tin 2 plataforma di konsulta ku partisipashon di sektor privá, NGO’s i komunidat pa asina haña nan sosten den ehekushon di e akshonnan.
National Tourism Conference 2024 Concludes with the Signing of a National Decree Focused on Sustainable Tourism Development
WILLEMSTAD – September 27, 2024 – On September 27, the National Tourism Conference took place, focusing on the sustainable growth of the tourism industry. The conference was the culmination of five pre-conferences held during the first half of the year. The main objectives of the conference were to commemorate World Tourism Day by highlighting the importance of the tourism industry for Curaçao, raise awareness, and promote participation among stakeholders on the central theme of the conference. The conference also aimed to propose actionable resolutions for managing tourism growth and improving the effectiveness of sustainable development plans through the establishment of a new implementation structure. The conference, organized by the Ministry of Economic Development (MEO), the Curaçao Tourist Board (CTB), and the Curaçao Hospitality & Tourism Association (CHATA), had more than 300 participants. The opening of the conference was led by the Minister of Economic Development, Mr. Charles Cooper, who emphasized the importance of the tourism industry for Curaçao, the growth Curaçao is experiencing, and the role of each actor in the process.
As part of the conference program, the Secretary-General and CEO of the Caribbean Tourism Organization, Mrs. Dona Regis-Prosper, was invited as the keynote speaker to share her knowledge with the attendees. Mrs. Regis addressed the topic of sustainable tourism growth in Curaçao. In her speech, she noted that “As you know, the Caribbean is the most tourism-dependent region in the world, contributing 11.4% to the region’s GDP, supporting 2.75 million jobs, and generating an estimated $41.4 billion in international visitor spending. These figures highlight the importance of events like today’s and continued dialogue as we aim for sustainable growth and resilience of our tourism industry.” In line with the central theme of the conference, Mrs. Regis shared the 5 P’s of sustainable tourism: People, Planet, Prosperity, Purpose, and Partnership, and added a sixth P for Peace, which was the central theme of this year’s World Tourism Day. Later in the program, various open forums were included where local experts shared their knowledge on topics such as building a sustainable future, empowering and involving our local community.
Companies were also invited to share their experiences and strategies for executing their activities with the attendees.
During the final session, the participants were presented with the 12 resolutions chosen as priorities from a list of 24 that emerged from the five pre-conferences. These resolutions aim to achieve sustainable growth in the tourism industry. One of the resolutions involves establishing a new implementation structure that includes the following five ministries: the Ministry of Economic Development, the Ministry in charge of Transportation and Infrastructure, The Ministry responsible for the environment, The Ministry of Education and Culture and the Ministry of Social Affairs and Labor. These ministers will form part of the steering committee, presided over by the Minister of Economic Development. The new structure was formalized by the signing of a national decree. This structure aims to accelerate the implementation of various actions aligned with the Strategic Tourism Destination Development Plan. Additionally, two consultation platforms will be created with the participation of the private sector, NGO’s, and the community. The conference was concluded with the signing of a national decree
