KOMUNIKADO DI PRENSA 424/2024
28 sèptèmber 2024

Detenshon relashoná ku un kaso di intento di asesinato, maltrato i destrukshon

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Kontinuando ku investigashon den un kaso di intento di asesinato, maltrato i destrukshon
riba un agente polisial ku a tuma lugá dia 11 di febrüari 2024 riba e rotònde Lucina Da Costa
Gomez, polis a realisá un detenshon.
Djabièrnè 27 di sèptèmber 2024 alrededor di 20.35’or, polis a hasi detenshon di e hòmber
R.F.S.B. di 24 aña di edat nasé na Kòrsou.
E detenshon a tuma lugá nèt na momento ku e sospechoso a hasi su entrada na Aeropuerto
Hato.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.