E LENK DI AMAK PA BO VOTA PA BO ATRISTA , GRUPO OF BANDA DEN FARANDULA KU A DESTAKÁ DEN 2024 A HABRI

Willemstad- Manera ta konosí dia 22 di novèmber awor ta dia di e patrono
di músikonan kual ta Santa Cicilia i ta e dia spesial kaminda AMAK ta duna
un rekonosementu spesial na artistanan i bandanan ku a destaká durante e
aña ku ta transkurí. Un diferensia den e fecha e aña aki ta ku mirando ku 22
di novèmber ta kai riba un djabièrnè AMAK a disidí na organisá esaki un dia
promé esta djawéps dia 21 di novèmber den ouditorio na WTC.
Pa por tin un bista general kon nos komunidat a mira nos artistanan yu di
Kòrsou bibá aki na Kòrsou su aktuashon direktiva di AMAK a pone un lenk
disponibel kaminda por hasi uso di dje pa yena bo eskoho di ken pa bo a
destaká den 2024. E link ta keda bálido te dia 13 di novèmber 23.59 or.
Pues subi e link i aportá dor di yena bo prefernsia tras di e diferente
preguntanan pa e premio Edgar Supriano 2024.
Manera bo sa, e premio Edgar Supriano, ta e premio ofisial di AMAK, ku ta
otorgá na músikonan o agrupashonnan musikal ku durante di e aña a hasi
nan mes meritorio den nan kategoria.
Please skohe pa kada kategoria, e pèrsona òf agrupashon musikal ku segun
bo propio análisis lo mester keda premiá.
Hasi esaki na un manera imparsial i entregá esaki bek digitalmente pa
mas tardá riba dia 13 di Novèmber 2024 23:59 p.m.
Kiko bo mester hasi

Pa por hasi bo ekskoho bo mester hasi lo siguiente. Simplemente kopia e
link aki òf klek riba dje i e mes ta indiká bo kiko bo mester hasi.
E link: https://forms.gle/hMmp3a2PvsDF5h1T8

POR VOTA SOLAMENTE 1 BIAHA SO. SI AKASO A VOTA MAS KU 1
BIAHA E PROME VOTASHON TA KONTA!

Danki pa bo kontribushon, AMAK ta balorá esaki inmensamente.
Saludo kordial,
Na nòmber di AMAK
Angelo Virginie