Swim Club ORCA a kompletá eksitosamente e di 3 edishon di Landamentu.

Swim Club ORCA a kompletá eksitosamente e di 3 edishon di Landamentu.

 

Willemstad, Curaçao – Swim Club ORCA a konkluí eksitosamente e di tres edishon di e Zwem4daagse djabièrnè, apesar di un komienso lento debí na e mal tempu di djaluna 30 di sèptèmber. E kantidat di partisipantenan a krese konstantemente durante henter siman. Spesialmente riba djamars ora ku e wer a mehorá mas hende a disidí di bai pisina.

E aña akí, por a nota mas mucha ku adulto a partisipá, i no ménos ku 20 partisipante tabata einan pa di tres biaha! Tur mainta, entre 6:00 i 7:30, mas o ménos 15 hende tabata lanta trempan i kue nan kaminda pa pisina, kaminda nan tabata hasi nan 10 òf 20 bueltanan segun ku solo tabata sali. Aunke e seshonnan di atardi tabata mas trankil, mas landadó a bini na e pisina atrobe den oranan di anochi.

E aña aki mayoria di e partisipantenan a landa un distansia di 1000 meter. A lanta e Zwem4daagse pa stimulá hende pa hasi mas ehersisio, i e aña aki ORCA atrobe a haña sosten di e studiantenan di Curaçao Medical University. Riba djarason i djaweps, e studiantenan aki a ofresé e bishitantenan e oportunidat pa laga midi nan nivel di suku i preshon di sanger. Pa e partisipantenan mas hóben, e evento a terminá ku hopi dibertishon riba e tobogan.

E organisashon ta mira atras ku orguyo riba un siman eksitoso y ta spera di por atraé ainda mas hende pa partisipá den e tradishon deportivo aki den futuro.

 

Kordial saludos

Els van Oostrum