Lokèt di Pèrmit ta gradisí bo pa bo aporte

Willemstad – Lokèt di Pèrmit di Ministerio di Maneho di Gobernashon, Planifikashon i Servisio Públiko ta gradisí bo pa bo partisipáshon na nos sondeo di satisfakshon di kliente.

Nos ke gradisí boso pa boso partisipashon den nos sondeo di satisfakshon di klientenan. Bo ‘feedback’ riba nos kalidat di servisio i tempu di espera a duna nos un bista ku ta yuda nos mehorá nos servisio na komunidat. A base di e sugerensianan nos ta trahando riba mehorashon di nos servisionan ‘online’ pa redusí e tempo di espera. Nos ta hasi nos máksimo esfuerso pa hasi bo eksperiensia ku nos servisionan mas agradabel i mas efisiente posibel.

79% di e reakshon risibí for di nos investigashon tokante satisfakshon tabata satisfecho. Tambe tabatin prekupashon tokante nos fasilidatnan ku nos ta atendiendo aktualmente. Nos a traha un plan pa mehorashon di nos servisionan online pa den e próksimo 6 lunanan dor di simplifiká e prosesonan.

Si bo tin mas pregunta òf feedback, por tuma kontakto libremente ku nos via:
Number di telefòn: 433-3123
Whatsapp: 433-3127
Página sosial Facebook: Lokèt di Pèrmit
Página sosial Instagram: loket.di.permit
Lokèt Digital: https://loketdigital.gobiernu.cw/

Adrès: Saliña 127 Eurobuilding (Banda di Subway)
Orario: djaluna pa djaweps 08:00 – 15:00 or
djabièrnè 08:00 – 12:00 or