KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Parti di brùg Juliana temporalmente será

 

KOMUNIKADO DI PRENSA 478/2024
12 novèmber 2024

Parti di brùg Juliana temporalmente será

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Referiendo na e Dekreto di Tráfiko fechá 12 di novèmber 2024 enkonekshon ku un
filmashon ku lo tuma lugá entre djamars 12 di novèmber 2024 alrededor di 23.00’or i
djarason 13 di novèmber 2024 alrededor di 02.00’or, Brùg Juliana lo ta será den e direkshon
di Punda pa bai Otrobanda pa tráfiko motorisá durante di e orario ariba menshoná.
Esaki ta enserá ku pa 23.00’or lo sera Romulo Betancourt Boulevard na altura di Konsulado
Venezolano i durante di e orario ei tur tráfiko motorisá den direkshon di Brùg Juliana, lo
keda desviá den direkshon di Fort Nassauweg.
Pa 23.00’or lo no pèrmití tráfiko motorisá tampoko for di Abraham Mendez Chumaceiro
Boulevard den direkshon di Brùg Juliana.
E tráfiko lo keda desviá den direkshon di Romulo Betancourt Boulevard.
Solamente vehíkulonan di polis, ambulans i brantwer ta ser pèrmití.
Ta pidi tur shofùr di vehíkulonan motorisá pa tene kuenta ku e partikularidat aki i ta gradisí
di antemano pa e komprenshon.

 

639114718427035"
639114718427035"