Introdukshon di Teknologia Moderno pa Departamentu di Rijbewijzen

Willemstad – Minister di Gobernashon, Planifikashon i Servisio Públiko(BPD) mr. Shalten
Hato den su afan pa sigui traha na bienestar di komunidat a aprobá kompra di 25 mònitor
grandi di 27” huntu ku 5 lèptòp pa e departamento di reibeweis situá na Sta. Rosaweg. Pa
basta tempu kaba, ámtenarnan di e servisio aki a hasi petishon pa por risibí ekiponan mas
modèrno pa por kumpli ku nan tarea diario. Minister Hato a tuma nota di e petishon aki, i
mesora a duna aprobashon pa kompra di e ekiponan aki. E monitòr i tambe lèptòpnan lo
fasilitá trabounan di e personal i alabes esakinan lo bai remplasá esnan aktual debí ku nan
periodo tékniko a yega nan término final.

Huntu ku kompra di e aparatonan elektrónikonan aki, Minister Shalten Hato a habri tambe
vakatura na e departamentu di Rijbewijzen pa e funshon di Rijexaminator A i tambe
Rijexaminator B. Pues lo ampliá tambe e personal ku ta traha na e departamentu aki, pa
asina aliviá e fluho di persona ku por pasa nan èksamen ku éksito i asina e departamentu
por duna un mihó servisio na komunidat.