Petishon pa búskeda di e hómber Simon Heliodoro Adelina

KOMUNIKADO DI PRENSA
477/2024
12 novèmber 2024

Petishon pa búskeda di e hómber Simon Heliodoro Adelina

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Polis ta pidi búskeda di e hómber Simon Heliodoro Adelina, nasé na Kòrsou di 85 aña di
edat. Djasabra 9 di novèmber 2024, pa 05.30’or e hómber aki a sali su kas den área di Souax
i no a regresá.
Simon tin e siguiente deskripshon:
Haltura: 1.80 m;
Postura: delegá;
Forma di kara: oval;
Kabei: kòrtiku blanku;
Koló di wowo: maron skur;
Koló di kueru: maron;
Na su skouder robes e tin un bòlòmbònchi di ‘vet’.

Na momento ku Simon a sali kas e tabata pia’abou, lomba sunú i ku un karson kòrá kimá ku
diseño di blòki blòki bistí.
Polis ta supliká tur persona ku por duna kualke informashon tokante di e hòmber aki pa
tuma kontakto ku polis na number di telefòn 917 òf e number anónimo 108.