KOMUNIKADO DI PRENSA 485/2024
16 novèmber 2024

Detenshon pa violashon di lei di arma di kandela

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djabièrnè 15 di novèmber 2024 alrededor di 23.30’or, unidatnan di UST a bai tene un
kontròl na un snèk den Gato. Na momentu ku nan tabata kontrolando un grupo di hòmber
ku tabata pará na e snèk, un otro hòmber a baha for di un outo ku tabata stashoná den
serkania i sali na kareda.
Durante ku e tabata hui, e la benta un arma di kandela den un roi ku tabatin eibanda.
Polis a kuminsá ku un persekushon, hasi su detenshon i konfiská e pistol ku el a benta afó.
Ta trata di e hòmber J.C. di 37 aña di edat nasé na Kòrsou.
A present’é dilanti di un fiskal ouksiliar ku a ordená su enkarselamentu pendiente di mas
investigashon.