Detenshon pa violashon di lei di opio

KUERPO POLISIAL KÒRSOU
KOMUNIKADO DI PRENSA
17 novèmber 2024
Detenshon pa violashon di lei di opio
487/2024
Djasabra 16 di novèmber 2024 alrededor di 20.45’or, personal di Duana na aeropuerto a
detené un hòmber nèt na momentu ku esaki tabata bai biaha.
E hòmber aki ku a presentá den un stul di rueda ku intenshon di bandoná nos isla, a keda
someté na un kontròl i den e bateria di e stul aki, a bin lokalisá un kantidat di droga.
Mesora e personal di Duana a hasi detenshon di e hòmber A.A.P. di 60 aña nasé na Kòrsou,
i huntu ku e droga konfiská, a entreg’é na reshèrshinan di e Departamento di Narkotika di
Kuerpo Polisial Kòrsou.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.
