Detenshon pa violashon di lei di arma di kandela

KUERPO POLISIAL KÒRSOU
KOMUNIKADO DI PRENSA
17 novèmber 2024
Detenshon pa violashon di lei di arma di kandela
488/2024
Djadumingu 17 di novèmber 2024 alrededor di 04.00’or, un unidat di U.S.T. ku tabata
patruyando den Saliña, a nota shofùr di un vehíkulo ku a kuminsá aktua basta sospechoso
na momentu ku el a tuma nota di presensia di polis.
Mesora e unidat a para e pikòp den kua tabatin dos hòmber i dos hende muhé.
Durante di kontròl riba e okupantenan, polis a topa ku un kantidat di droga.
Seguidamente a kontrolá e vehíkulo i bou di stul, a topa ku un pistol Glock kargá ku balanan
skèrpi i un kaha den kua tabatin mas munishon.
Mesora a detené e kuarteto i a entregá nan na personal di reshèrshi ku a kontinuá ku e
investigashon.
Despues di e interogá e sospechosonan, a laga e dos damanan i un di e hòmbernan den
libertat, mientras ku e shofùr A de C. Di 32 aña nasé na Sürnam a keda enkarselá.
Investigashon den e kaso ta kontinuá.
