Kedi Jimenez ta biaha djabièrnè 22 di novèmber pa Barranquilla Colombia pa sertamen Miss Teen Charm International 2024
Kedi Jimenez ta biaha djabièrnè 22 di novèmber pa Barranquilla Colombia pa sertamen Miss Teen Charm International 2024
QMQ Organization den luna di sèptèmber den un ambiente masha ameno a skohe Kedi Jimenez komo e Miss Teen Charm International 2024. Kedi no ta deskonosí den e mundu di beyesa. Kedi tabata promé finalista di Miss Teenage Globe 2022 i tambe Tòp 5 Spectacular Teen International 2022. Danki na e eksperensia nan aki, Kedi su preparahon final a kana den gran forma.
Kedi ta biaha ku un meta figo kua ta representá Kòrsou, QMQ Organization i tur hóben di Kòrsou dignamente i mas ku klaro promové nos dushi isla i trese e korona di Miss Teen Charm International Kòrsou.
Miss Teen Charm International ta un sertamen di un nivel haltu kompará ku otro sertamen nan ku Kòrsou a kustumbrá na partisipá na dje.
Komo Organisashon, nos meta no ta djis pa gana e korona pero pa duna nos Miss nan un eksperensia di nivel haltu pa nan haňa tur konosementu pa por partisipá na sertamen nan rebombrá na Kòrsou òf Internashonal.
QMQ Organization, un organisahon serio ku ta traha duru riba preparashon i guia di su Miss nan. Kedi a haňa preparashon intenso serka profeshonal nan lokal. E aňa aki Kedi ta biaha huntu ku su direktor di Organisahon sra. Ayanette Haard Statia. Komo chèri riba e bolo, huntu ku Kedi i Ayanette ta biaha Carlos Hernadez, un dje mihó Estilista nan na Venezuela ku entro otro ta traha ku e prestigioso Organisahon Miss Venezuela
Komo organisahon nos ta konvensí ku Kedi lo hasi un bon trabou na Baranquilla, Colombia.
QMQ Organization, ta yama un danki di kurason na tur sponsor nan lokal i Internashonal ku a kontrubuí ku Kedi su preparashon.
Abo pueblo di Kòrsou, nos ta pidi bo pa manda e energia positivo pa nos Kedi, lage sinti ku boso ta huntu ku ne den e proseso aki.
Pa tur informashonnan relashoná ku Kedi su partispashon, bo tin ku sigui nos matutino nan lokal, media nan social i plataforma nan di QMQ Organization.
