Entrenamentu Obligatorio pa Maneho di Drone pa Empleadonan di Ministerio di VVRP

Willemstad – Pa Ministerio di Tráfiko, Transporte i Planifikashon Urbano (VVRP) uso di drone na un manera sigur i efisiente dor di su funshonarionan ta hopi importante. E informashon ku ta keda kolektá pa medio di drone ta di gran ayudo pa ehersé trabounan di VVRP.

Pa e motibu aki ministerio a organisá un entrenamentu obligatorio pa maneho di drone.

E entrenamentu tabata destiná pa e funshonarionan ku den nan trabou diario ta enkargá ku operashon i maneho di drone. E programa a duna konosementu teóriko i prátiko, i a atendé témanan manera abilidatnan operashonal, aspekto tékniko, regla, seguridat i privasidat.

Empleadonan di Domeinbeheer, Projectteam Toezicht en Handhaving (PTH), i Servisio pa Obra Públiko a asistí e entrenamentu. E programa a enfoká pa yuda fortifiká kapasidat operashonal di e ministerio.