KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Minister Pisas a inisiá proyekto dia traha strukturanan pa atraé piská

Minister Pisas a inisiá proyekto dia traha strukturanan pa atraé piská

 

Willemstad-  Minister di Asuntunan General enkargá ku agrikultuta, medio ambiente i naturalesa señor Gilmar Pisas a inisiá proyekto kaminda un eksperto regional di FAD a kompartí su konosementu ku nos. FAD ta nifiká, “Fish Aggregating Devices”, kual ta
un struktura di kabuya i bui den laman pa atraé piská. Den e promé fase kolaboradónan di Ministerio di GMN a bai e isla di Antigua pa hasi palabrashonnan ku e eksperto di FAD’s i kompilá e materialnan nesesario. Durante e siman ku a pasa e eksperto di Antigua aki tabata na Kòrsou i a duna e kurso na un kantidat di partisipante.

Eksperto di traha FAD, señor John Watt di Antigua, durante 10 dia a duna un kurso intensivo kaminda a siña 5 kolaboradó di Ministerio di GMN e téknika kompliká di traha FAD’s. Antes Kòrsou tabata paga bastante sèn pa kumpra e FAD’s nan aki den eksterior pero awor esei no ta nesesario mas paso nos mes hendenan tin e konosementu nesesario pa traha nan. E FAD‘s nan aki ta wòrdu poné na diferente sitio den laman. E ta diseña di tal manera ku e sombra i moveshon di e struktura den laman ta atraé piskanan chikí kual riba nan turno ta atraé piskánan mas grandi.

Momentu ku e strukura ta den laman, piskadónan por bai piska den bisindario di e FAD i asina piska mas piská mas fásil kompará ku si e FAD no tei. Riba kombinashon di potrèt por mira kolaboradó di Minister Pisas señor Giovany Obispo na man drechi, señor John Watt na man robes i e 5 kursistanan nèt despues di entrega di sertifikado. Por mira tambe kon ta elaborá e FAD i kon esaki ta funshoná den laman.

 

 

639114718427035"
639114718427035"