Minister Silvania satisfecho ku partisipashon di komunidat, Ban topa pa chip kachó na Sambil a superá tur ekspektativa

Minister Silvania satisfecho ku partisipashon di komunidat,

Ban topa pa chip kachó na Sambil a superá tur ekspektativa

Willemstad- Djasabra último a tuma lugá un ban topa na Sambil, kaminda personanan
ku tin kachó por a akudí pa chip i eventualmente traha sita pa laga sterelisá. E ban topa
aki a keda organisá pa e proyekto Bienestar di Animal di GMN huntu ku
organisashonnan no gubernamental ku ta atendé ku e problemátika di kachó na
Kòrsou. Meta di e proyekto aki ta pa registrá kachonan i atendé ku e sobre populashon
di kacho. Durante e eksitoso ban topa aki a chip i registrá mas ku 300 kacho. E
próksimo ban topa pa chip i registrá pa sterelisá ta tuma lugá den luna di yanüari di otro
aña, pues keda pendiente.
E proyekto i e ban topa a bira posibel danki na e bon koperashon entre Ministerio di
GMN, i vários organisashon no gubernamental manera; Rescue Paws Curaçao,
Stichting Dierenhulp Curaçao, Stichting Dierenlot, vários klinika di veterinario i otro
organishashonnan di bienestar di animal. E ban topa na Sambil a kuminsá 9 or di
mainta i a terminá 3 or di atardi i durante e e lapso di tempu aki mas ku 300 kachó a
keda di chip. Doñonan di kachó por a pasa via un “drive thru” pa yega na e stèntnan
kaminda rápidamente registrashon i chip tabata tuma lugá. Muchanan ku tabata den
outo por a hunga den bouncernan i saboriá un popcorn.
Minister di GMN señor Javier Silvania tambe tabata presente i por a ekspirenshá e
akohida grandi ku a proyekto aki a trese den komunidat di Kòrsou. Minister ta gradisí tur
esnan ku a akudí na e ban topa na Sambil i alabes ta partisipá ku lo bini mas ban topa
pa esnan ku no a haña oportunidat ainda pa pasa chip i registrá nan kachó. Ku e
proyekto aki Minister Silvania ke logra ku tur kachó na Kòrsou ta registrá pa asina
denter di algun aña solushoná e problemátika di kachonan ku ta kana lòs riba kaya i
trese solushon pa esnan ku pa kualkier motibu a pèrdè nan kachó.