Kontròlnan relashoná ku akshon ‘Fin di aña sin zanzaña’
KUERPO POLISIAL KÒRSOU
KOMUNIKADO DI PRENSA
30 desèmber 2024
Kontròlnan relashoná ku akshon ‘Fin di aña sin zanzaña’
540/2024
FIN DI AÑA SIN ZANZAÑA
Djadumingu 29 di desèmber 2024 i djaluna 30 di desèmber 2024 den oranan di mardugá e
kontròlnan enkonekshon ku e akshon ‘ Fin di aña sin zanzaña’ tabata dirigí riba poseshon
ilegal di arma i droga, pero tambe violashon di lei di tráfiko.
Durante di un kontròl den área di Penstraat i Schout bij nacht doormanweg, polis a
konfiska tres vehíkulo dor ku nan dokumentunan no tabata na òrdu.
Den Parera polis a kontrolá tres persona den un vehíkulo. Durante di e kontròl aki polis a
haña i konfiská un porshon chikí di mariwana i un machete.
Tambe a tene kontròlnan preventivo den Saliña i Snipweg. Dos vehíkulo tabatin e glasnan
di tint di un porsentahe ku no ta permití i e shofúrnan mester a kita esakinan na e sitio.
Den próksimo dianan lo bai intensivá e kontròlnan aki. Un apelashon ta bai na komunidat
pa demostrá un bon komportashon pa asina nos tur por tin un final i kuminsamentu di aña
sin nada di lamentá.
