Gilbert Ricardo: ”Mi ke interveni entre Fundashon E Hende i Gobiernu/FKP, paso na final den korte te Pueblo mes ta bira e perdedo.”

 

Gilbert Ricardo: ”Mi ke interveni entre Fundashon E Hende i Gobiernu/FKP, paso na final den korte te Pueblo mes ta bira e perdedo.”

 

Willemstad- Moviendo den bario, Gilbert Ricardo, lider di Partido Mihó Kòrsou, resientemente a wordu aserka pa habitantenan ku ta pasando mal eksperensia ku FKP (Fundashon Kas Popular) i Gobiernu.

Ta trata aki spesifikamente dje habitantenan dje kasnan ku Fundashon E Hende ta representa.

Gilbert Ricardo a kompronde ku pa años kaba e presidente di Fundashon E Hende, Sra. Merien, ta hibando un lucha pa duna e habitantenan e derecho di por kumpra e kasnan ku pa años nan a bin ta paga huur i mantene nan mes.

Konforme informashon ku habitantenan a duna Sr. Ricardo, ta ku aparentemente pronto lo tin un kaso den korte teniendo na kuenta ku FKP i Minister Cooper no tin oido pa nan.

Algun siman pasa Minister Silvania a tende e grupo durante nan manifestashon dilanti Fort Amsterdam primintiendo un solushon, pero te awe sin resultado.

Despues di tende e habitantenan di un manera relámpago, Gilbert Ricardo, mustrando su kalidat di ta un otro tipo di lider, a buska kontakto ku Sra. Merien I propone pa un sita pa sitna pa ban dialoga.

Segun Sr. Ricardo: “Ora dos olefante ta bringa, ta e yerba ta plècha I sali perdi”.

Pesei Gilbert Ricardo, konosi pa ta un lider pragmatiko i ku hopi eksperensia riba e tereno aki, a ofrese Sra. Merien pa enterveni den e problema aki pasombra na final, te Pueblo mes ta bai sali perdi.

Kas di famia ta algu sagrado I no por sigui trata e habitantenan dje forma aki.

“Mi ta bai hasi mi best pa para e guera entre Gobiernu/FKP i fundashon E Hende pa huntu nos bin na solushonan praktiko pa un mihó Kòrsou”:  Gilbert Ricardo a termina bisando.