Ta prolongá posibilidat pa saka Sedula wikènt di 1 i 2 febrüari 2025

Willemstad – Departamento di Asuntunan Públiko (Kranshi) ta informá ku riba e dianan 1 i 2 di februäri 2025 por bai saka Sedula sin sita. Manera semper Kranshi ta duna e posibildat pa saka sedula durante dianan di Pre-Elekshon.

Dianan 1 i 2 di febrüari awor siudadanonan ku ta bini na remarke pa vota por bai depositá sosten na un partido ku ta partispá na Pre-elekshon 2025. Pa duna sosten na un di e listanan di kanditatonan por identifiká bo mes di e siguiente 3 formanan, mester presentá sea ku Reibeweis, Sedula òf Pasaporte. Pa e motibu aki Kranshi a krea espasio adishonal pa siudadanonan por bai saka nan Sedula.

Kranshi ta prolongá e posibilidat pa saka Sedula riba e dianan menshoná. E orario ku Kranshi ta habrí e wikènt di 1 i 2 di febrüari aki ta di 8 or di mainta pa 7:30 or di anochi .