Thalina Gil ta resultá Miss Teenage Press Curacao 2024/2025
Thalina Gil ta resultá Miss Teenage Press Curacao 2024/2025
Willemstad- djasabra 8 di februari 2025 den sala di Ouditorio WTC a tuma lugá
elekshon di Miss Teenage Press Curacao 2024/2025.
E 8 partisipantenan den kompetensia di e sertámen pa hubentut di momentu, Miss
Teenage Curaçao 2024/2025 a partisipá den nan promé kompetensia ofisial kual ta
Miss Teenage Press Curaçao 2024/2025.
Durante e anochi aki nan tabatin 3 presentashon ofisial. Nan a hiba tambe un entrevista
privá ku miembronan di hurado formá pa miembronan di prensa di Kòrsou. Aki e
miembro nan di e kuerpo di hurado a haña e oportunidat pa husga nan riba;
personalidat, spontanidat, presentashon total, vokabulario i nan pensamentu engeneral
riba e topiko prensa.
Riba esenario nan a presentá nan mes pa despues, yega na e siguiente presentashon
kaminda nan a pasa pa skohe nan number ofisial for di e bowl di cristal ku tabata
kontené e ènvelòp nan numerá. I pa na final hiba nan mensahe dediká na prensa di
Kòrsou.
QMQ Organization por wak bèk riba un anochi eksitoso kaminda Dany Balentien a dirigí
e anochi eksitosamente.
Thalina Gil ta resultá ganador di e título Miss Teenage Press Curaçao 2024/2025. Laïs
Braaf ta keda komo promé finalista i Angelly Virginia ta keda komo di dos finalista
1. Miss Teenage Curacao Most Dynamic ta Sherily Silié
2. Miss Teenage Curacao Most Spontaneous ta Laïs Braaf
3. Miss Teenage Curacao Best Slogan ta Thalina Gil
4. Di dos finalista Miss Teenage Gobe Press 2024/2025 a resulta: Angelly Virginia
5. Prome finalista Miss Teenage Globe Press 2024/2025 a resulta: Laïs Braaf
6. Miss Teenage Globe Press 2024/2025 a resulta: Thalina Gil
QMQ Organization ta gradesí i yama danki na kada un di su spònsornan i tur su
kolaboradornan pa hasi e sertámen posibel. Danki na prensa di Kòrsou pa tur e sosten
durante e anochi dediká na prensa.
