74 partisipante mas a kompletá programa di training pa industria di hospitalidat ku éksito / 74 Participants Successfully Complete Hospitality Industry Training Program
74 partisipante mas a kompletá programa di training pa industria di hospitalidat ku éksito
WILLEMSTAD – 10 di febrüari 2024 – Resientemente un total di 74 kursista mas a risibí nan sertifikado komo parti di e programa di training Her & Bijscholingstraject Hospitality Sector. E kursistanan a sigui un kurso kòrtiku intensivo (crash course) den kua nan a haña konosementu básiko teorétiko i tambe práktika pa por drenta e industria di hospitalidat. Ta trata di 25 asistente kòki, 17 asistente bartènder/weiter, 5 kamarera, 11 guia turístiko i 16 persona ku a risibí nan sertifikado di Leermeester (instruktor). Durante un seremonia ameno, Minister Charles Cooper enkargá ku e área di Desaroyo Ekonómiko, huntu ku CTB a hasi entrega di sertifikado na e partisipantenan.
E kursonan di asistente kòki i asistente bartènder/weiter tabatin un durashon di 12 siman. Durante e kurso di asistente kòki, a trata e téknikanan básiko di preparashon di kuminda. E kursistanan ku a sigui e kurso di asistente bartènder/weiter, a siña entre otro e téknikanan di bartènder, tuma i sirbi pedido i kon pa duna servisio di kalidat. Ademas e kursistanan aki tur a kompletá un Personal Empowerment training dirigí riba desaroyo di nan abilidatnan interpersonal. E partisipantenan tur ta trahando aktualmente na un kompania (leerbedrijf) den industria di hospitalidat pa un periodo di 5 luna i ta risibí un salario. Despues di e 5 lunanan, e kompania tin e posibilidat pa ofresé e partisipante un kontrato di trabou basá riba su prestashon.
Tambe a tuma lugá e kurso di Housekeeping. E kuríkulo di e kurso a inkluí entre otro aspektonan di seguridat, higiena, limpiesa, mantenshon diario i regular, téknikanan di drecha kama i idioma. E kurso di guia turístiko a enserá 3 luna di entrenamentu intensivo di teoria i abilidatnan práktiko pa bira un guia turístiko sertifiká. E sertifikado ku e partisipantenan a risibí ta rekonosé pa Federashon Mundial di Asosashon di Guia Turístiko (WFTGA). Ademas, tur partisipante a haña un seshon di informashon di SOAW tokante e derechonan i obligashonnan di e empleado i e doño di trabou huntu ku presentashonnan di diferente funshonario di CTB tokante merkadeo, sifranan di turismo i desaroyo di e produkto turístiko. Por último, un grupo di 16 trahadó den e industria di hospitalidat a risibí nan sertifikado di Leermeester training. Ta trata di e personanan ku ta responsabel pa guia e kursistanan na nan leerbedrijf.
E programa di training ta resortá bou di Ministerio di Desaroyo Ekonómiko (MEO) i Ofisina di Turismo di Kòrsou (CTB) ta responsabel pa implementashon. E programa ta keda ehekutá den estrecho kolaborashon ku Ministerio di Labor (SOAW), Ministerio di Enseñansa (OWCS) i partnernan den sektor privá.
74 Participants Successfully Complete Hospitality Industry Training Program
WILLEMSTAD – February 10, 2025 – Recently, a total of 74 trainees received their certificates as part of the Hospitality Training Program. The participants completed an intensive short crash course, where they gained both basic theoretical and practical knowledge to enter the hospitality industry. This group consists of 25 assistant cooks, 17 assistant bartender/waiter, 5 housekeeping staff, 11 tourist guides, and 16 certified Training Instructors. During a pleasant ceremony Minister Charles Cooper, responsible for economic development, along with Curaçao Tourist Board (CTB), presented certificates to the participants.
The assistant cooks and assistant bartender/waiter courses lasted for 12 weeks. The assistant cooks course covered basic food preparation techniques. Participants in the assistant bartender/waiter course learned essential skills such as bartending techniques, taking and serving orders, and providing quality service. Additionally, all trainees completed the Personal Empowerment training aimed at developing their interpersonal skills. All participants are currently working at a learning company in the hospitality industry for five months, receiving a salary. After this period, the company has the option to offer them a work contract based on their performance.
The Housekeeping course also took place, covering key topics such as safety, hygiene, cleanliness, daily and regular maintenance, bed-making techniques, and language skills. The tourist guide course involved 3 months of intensive theoretical and practical training to become a certified tourist guide. The certificate awarded is recognized by the World Federation of Tourist Guide Associations (WFTGA). Additionally, all participants attended an information session by the Ministry of Labor covering employee rights and obligations, along with presentations from various CTB representatives on marketing, tourism statistics, and tourism product development. Finally, a group of 16 professionals in the hospitality industry received their Training Instructors certificates. These individuals are responsible for guiding trainees at their respective learning companies.
The training program is managed by the Ministry of Economic Development (MEO) and implemented by the Curaçao Tourist Board (CTB). The program is executed in close collaboration with the Ministry of Labor (SOAW), the Ministry of Education (OWCS), and partners in the private sector