CRA a sinta ku O.W. tokante e problema di kloaka na Pietermaai.
CRA a sinta ku O.W. tokante e problema di kloaka na Pietermaai.
Resientemente, Asosiashon di Restorant (CRA) a sinta ku representante nan di O.W. tokante e problema di e kloakanan na Pietermaai i tambe pa den futuro mirando tur e desarojo nan den Punda y Pietermaai ku konstrukshon di diferente hotel i apartamentu.
Durante e kombersashonan a bin resulta ku ta algun opheto ta pone e kloaka wordu stroba ku e fluho.
Esaki no ta solamente dor di vet/zeta di kushina, aunke esaki ta esun mas grandi, pero tambe un strobansa grandi ta e dukinan muha (konosi komo “wipes”) kua no ta disolve fasil. Tin tambe otro faktornan ku ta hunga un rol, entre otro sierto papel di w.c. ku ta duru i ta forma un prop, kontratistanan ku ta dump sushi den e kloaka i negoshinan ku ta tira sushi den e kloaka nan.
Tambe tin e problema ku ora awa seru ta kai e kloaka nan ta yena mas lihe i no por prosesa e fluho bon, kual ta pone ku e awa sushi ta bin ariba.
O.W. ta na altura di e problema di e awa, i ta trahando riba un solushon definitivo pa akumula i prosesa awa seru dor di un sistema drenahe ku tin ku wordu konstrui den Punda i Pietermaai.
CRA a propone un solushon, kaminda komersio i O.W. lo bai traha huntu pa (temporalmente) riba un base regular lo hasi e kloaka nan limpi, bou di supervishon di O.W., kual O.W. ta aplaudi.
Di banda di CRA, lo bai kombersa tambe ku esnan involvi den Punda via di DMO, i tambe komersio di Pietermaai via di e Fundashon di Pietermaai.
“Nos ta konsiente ku mester solushona e problema aki, pero esaki lo no por riba un termino kortiku. Nos ta kontentu ku CRA a aserka nos pa konhuntamente por yega na un solshon pa e problema aki. E tin benifisio pa nos turismo, pero tambe pa e parti higiéniko de su totalidat”, segun Ursel Cordilia di O.W.
“Naturalmente nos tambe ta konsiente ku nos industria, restorantnan, mester kopera tambe dor di evita tira vet i zeta den e kloaka, i tambe mester soru pa nan tin un “vetput” kamida e zeta ta akumula, i hasi esaki bashi riba un base regular. E ta na tur su benefisio si tur hende kopera ku esaki i pa asina nos hasi e area di Punda i Pietermaai mas agradable pa tur bishitantenan”, Zeno Cirkens, presidente di CRA, a remarka.
Riba portret di robes pa drechi:
- Cirkens (presidente CRA), U. Cordilia (O.W.), E. Carmelia (O.W.), W. Michael (vise-presidente CRA) i M. Den Dulk (director interino CRA).
Si ta rekeri mas informashon, por akudi serka mi persona.
Curaçao Restaurant Association (CRA)
Dhr. Martin den Dulk
Cell: 5999-5250033
Email: info@curacaorestaurants.org