Komunidat ta keda demostrá interés pa chip i sterelisá kachó

Komunidat ta keda demostrá interés pa chip i sterelisá kachó

Willemstad- Djasabra último a tuma lugá e di 4 ban topa kaminda komunidat ku tin
kachó por a laga chip òf traha sita pa sterelisá gratis. E ban topa aki a tuma lugá na
Zuikertuintje simultaneamente ku diferente aktividat di karnaval, pero asina mes
bastante persona a hasi uzo di e oportunidat pa chip nan animal. A traha tambe sitanan
pa sterelisashon ku huntu ku esnan anterior kasi ta alkansando un total di 2000
sterelisashon den koperashon ku e organisashon boluntario Rescue Paws.

Naturalmente lo sigui drenta bario tambe ku e Proyekto Bienestar di Animal. Dia 13 di
mart pa 2 di aprel próksimo e proyekto lo drenta e barionan di Brievengat i Schelpwijk.
Den e barionan lo duna splikashon tokante identifikashon i registrashon di bo animal,
edukashon i konsientisashon tokante lei di Bienestar di Animal i e lei di kachó
peligroso. E siguiente ban topa kaminda komunidat ta bolbe haña oportunidat pa chip
kachó gratis ta tuma lugá dia 12 di aprel e biaha aki den e bario di Barber.

Pa mas informashon relashoná ku sterilisashon i/ òf ISO chip bo kachó por manda un
whatsapp pa Rescue Paws riba number di telefòn 522 5262 òf Stichting Dierenhulp riba
number di telefòn 561 7171.
Inspektor di Bienestar di Animal ta alkansabel riba number di telefòn 667 0163. Tambe
por whatsapp Ministerio di GMN na 566 4466 òf sigui nos riba plataformanan sosial i
nos Facebook Page: Bienestar di Animal
(https://www.facebook.com/share/p/1YDY1yMXK9).
.
BAN STIMA, KUIDA I PROTEHÁ NOS ANIMALNAN!