KOEIMAN A MANDA PIDI GOBERNADO DI KORSOU RETIRO DI E DOS MINISTERNAN DI PARTIDO PUEBLO SOBERANO

cw-default-logo-ktp

KOEIMAN A MANDA PIDI GOBERNADO DI KORSOU RETIRO DI E DOS MINISTERNAN DI PARTIDO PUEBLO SOBERANO

Willemstad – Gabinete Koeiman a tuma e desishon pa manda pidi Gobernadó di Kòrsou retiro di e ministernan di Partido Pueblo Soberano, kualnan ta e minister di Asuntunan Sosial, Bienestar i Labor sr. Jaime Cordoba i minister di Gobernashon, Planifikashon i Servisio Públiko sra. Ruthmilda Larmonie-Cecilia.

Despues di a skucha e dos ministernan den e reunion di Konseho di Minister dia 14 di febrüari 2017 a yega na desishon pa retirá e dos ministernan konforme artíkulonan 29 i artíkulo 35 di Areglo di Estado di Kòrsou basa riba e siguiente puntonan:
1. Gabinete Koeiman no tin sosten mas di e frakshon den Parlamentu (Pueblo Soberano) di Minister di Desaroyo Sosial, Labor i Bienestar (SOAW), Sr. Jaime Cordoba i Minister di Gobernashon, Planifikashon i Servisio Públiko (BPD), Sra. Ruthmilda Larmonie-Cecilia;
2. Ku konsekuentemente e Gabinete mester tuma komo punto di salida ku e ministernan menshoná no ta sostené e Akuerdo di Gobernashon firmá dia 15 desèmber 2016 mas;
3. Ku konforme artíkulo 4 di e Reglamento di Orden di Konseho di Minister e Konseho ta deliberá i tuma desishon a base di maneho general di Gobièrnu i e ministernan konforme e puntonan 1 i 2 konsekuentemente no ta promové e unidat di e maneho di Gobièrnu aki;
4. A base di lokual ta definí ariba e Gabinete no por funshoná adekuadamente;
5. Basa riba e deklarashonnan públiko hasi di parti di e minister di SOAW sr. Jaime Cordoba, dia 14 di febrüari 2017, referente na miembronan di e Gabinete.

Alabes e Gabinete a disidí ku minister di Salubridat, Medio Ambiente i Naturalesa (GMN) sra. Z.A.M. Jesus-Leito, lo keda enkargá ku e kartera di e ministerio di BPD i ku minister di Finansa sr. K. A. Gijsbertha, lo keda enkargá ku e kartera di e ministerio di SOAW.
img-20170214-wa0053

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: