Dos detenshon relashoná ku trafikashon di hende

KOMUNIKADO DI PRENSA 098/2025
19 mart 2025
Dos detenshon relashoná ku trafikashon di hende
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Kontinuando ku un kaso di trafikashon di hende ku a tuma lugá dia 4 di mart 2025, kaminda Venesolanonan a bini Kòrsou riba lancha, e personal di Divishon di Krímen Organisá a hasi dos detenshon.
E investigashon aki ta den kuadro di un investigashon penal di trafikashon i eksportashon di hende ku morto komo konsekuensia.
Djárason 19 di mart 2025, e tim ariba menshoná a hasi detenshon di:
Q.E.H.H. di 39 aña di edat i M.O.J.N. di 40 aña di edat ámbos nasé na Venezuela.
Nan detenshon a tuma lugá na momentu ku nan a keda retirá for di C.M.C.
A presentá e sospechosonan dilanti di un fiskal ouksiliar ku a ordená enkarselamentu
pendiente di mas investigashon.
Kuerpo Polisial Kòrsou kier a yama danki na komunidat pa nan aporté den e kaso aki, i no ta eskluí ku lo bai tin mas detenshon relashona ku e kaso aki.
