Promé Minister sr. Gilmar Pisas a risibí opservadonan internashonal pa elekshon 2025

Promé Minister sr. Gilmar Pisas a risibí opservadonan internashonal pa elekshon 2025

 

Willemstad – Promé Minister sr. Gilmar Pisas a risibí Konseho Supremo Elektoral huntu ku e grupo di opservadonan international ku a bini Kòrsou pa opservá elekshon 2025.

 

E grupo di opservadonan aki a bin opservá nos elekshon i ta bini for di OAS  (Organisation American States), Komunidat di Caricom i tambe di “Voting Central Bureau” di Sint Maarten.

 

E opservadonan ta bini for di diferente pais manera Barbados, Sürnam, Washington, Sint Maarten i Guyana.

Nan a yega Kòrsou e siman aki i entre djaluna, djamars i ayera nan programa a kuminsá i esaki lo tèrmina djasabra awor.

 

Despues di elekshon nan lo entregá un relato na Konseho Supremo Elektoral den kual nan lo deskribí tur loke ku nan a opservá, konstatá i eksperensiá i alabes duna e rekomendashonnan nesesario.

 

Djadumingu nan ta bai bèk nan destinashon.

E bishita a kana den un bon esfera.