ATRAKO RIBA CASINO
Bosero di Kuerpo Polisial Kòrsou ta konfirmá ku awe djadumingu mainta, alrededor di 9or di mainta, kaso di atrako a keda registrá den un kasino na Otrobanda. 3 hòmber kara tapa ku arma di kandela a drenta e kasino i bou di menasa a bai ku sèn miéntras a heridá (leve) tambe 1 òf mas trahadó durante e atrako aki. Kuerpo Polisial Kòrsou ta pidi tur persona ku tin mas informashon di e kaso di atrako aki pa tuma kontakto ku 917 pa duna bo informashon.
Di otro fuente nos por indiká ku ta trata di Aqua Casino situá na Courtyard Marriot ku awe mainta 9:02am a keda atraká. Investigashon den e kaso ta kontinuá.