Dia 26 di Aprel próksimo den WTC Ephrem J i Joe Veras den Elegancia y Bachata Karchinan i mesanan moviendo duru

Dia 26 di Aprel próksimo den WTC
Ephrem J i Joe Veras den Elegancia y Bachata
Karchinan i mesanan moviendo duru

 

Willemstad – Dia 26 di Aprel próksimo, WTC lo ta chikí pa e konsierto bailabel titulá Elegancia y Bachata. Esaki debí ku manera a anunsiá esaki, karchinan i mesanan a kuminsá move ku spit basta haltu.
Riba e anochi aki, lo bai tin 2 artista na den konsierto ku no mester di masha introdukshon. Direktamente for di Repúblika Dominikana, Joe Veras ku su banda ta bai tei na Kòrsou i di Kòrsou mes, e talentoso i eksitoso Ephrem J lo bai tei, e kombinashon perfekto.
Joe Veras konosí pa entre otro hitnan manera ‘Que se mueran de envidia’, ‘El Molde’ i ‘El hombre de tu vida’ den pasado a yega di duna presentashon na Kòrsou i tabata un éksito rotundo. Ephrem J, ku un fama internashonal i tambe ku vários hit pega, sin duda lo perfekshoná e anochi di dia 26 awor.
Tambe lo bai tin un suprise act, DJ Black i DJ Jose. Loke ta sumamente importante ta, ku ta bai tin dansflur pa esnan ku ke baila.
Riba dia 26 di Aprel mes  Joe Veras, lo yega Kòrsou i ta hospedá den Acoya.

Karchinan
Manera ya menshoná, interes pa karchinan i pa mesa pa e anochi aki ta haltisimo. Ta bai tin tambe un sekshon di VIP sea front, standing òf seated. Ta bon pa indiká ku ta hañando mas petishon ku ta posibel i enkonekshon ku esaki, lo no hasi eksepshon pa niun hende na momento ku pasa ultimátum pa hasi pago. Pues pa garantisá bo entrada, kumpli ku bo pago.

Mas ku klaro, esaki lo garantisá bon servisio tambe.

Karchinan ta optenibel na Ticket Point, Mensing, 24 Uur uit de Muur i tambe na Grill & Chill na balor di 55 florin, esaki na kantidat limitá, despues lo bira 75 florin.

VIP Front Stage ta na balor di 150 florin pa persona i ta optenibel na puntonan di benta. VIP Standing ta 1200 florin pa 4 persona inkluyendo 1 bòter Premium i 1 bòter biña blanku i servisio na mesa na Upper Deck i VIP Seated ta 2500 florin pa 8 persona inkluyendo 1 bòter di Shampaña, 1 bòter Premium i 1 bòter biña blanku. Pa VIP Seated i Standing por yama 563 0222 òf 679 2888.

 

Team Elegancia y Bachata ta gradisí primeramente tur fanátiko, Massive pa zonido, Acoya  i tambe Grill & Chill pa hospitalidat.