Outoridat Marítimo Kòrsou ta registrá dos barku krusero prestisioso den Registro di Kòrsou

Willemstad – Outoridat Marítimo Kòrsou (MAC), a agregá resientemente dos barku krusero prominente den e Registro di Barku di Kòrsou, esta Rotterdam i Nieuw Statendam. E registrashon aki ta marka un momentu importante pa sektor marítimo di Kòrsou i ta reflehá konfiansa den Kòrsou komo un hùb marítimo den e región.

Ambos barku ta forma parti di e flota prestisioso di Holland America Line i tin un renombre internashonal pa nan kalidat, seguridat i servisio luhoso. E registrashon aki ta oumentá e kantidat di barku ku ta nabega internashonalmente bou di flota di Kòrsou.

Segun direktor di Outoridat Marítimo, señor Sr. Sierhuis, e paso aki ta resultado di un kolaborashon intensivo i mantenshon konstantemente standatdnan haltu den e Registro di Barku di Kòrsou. “Nos ta sinti nos orguyoso ku un kompania marítimo di nivel mundial ta skohe pa registrá nan barku bou di Registro di Barku di Kòrsou. Esaki ta fortifiká nos posishon komo un sosio marítimo konfiabel den nabegashon internashonal,” segun e direktor.

Minister Charles Cooper di Tráfiko, Transporte i Planifikashon Urbano ta duna e desaroyo un gran aplauso: “E registrashon di Rotterdam i Nieuw Statendam ta demostrá ku Kòrsou ta partisipá na e mas haltu nivel den sektor marítimo internashonal. Esaki no solamente ta trese benefisio ekonómiko, pero tambe ta kontribuí na nos posishon strategiko den e área Karibense.”

Outoridat Marítimo Kòrsou lo sigui traha riba un registro moderno, sigur i atraktivo i ta invitá otro kompania internashonal pa agregá na flota di Kòrsou.