Weganan Interinsular ABC 2025 – Kòrsou ta briya komo ganadó general den deporte eskolar!

Weganan Interinsular ABC 2025 – Kòrsou ta briya komo ganadó general den deporte eskolar!

Durante di Weganan Interinsular ABC 2025 na Boneiru, e último parada di e tres dianan deportivo aki entre Aruba, Boneiru i Kòrsou, Kòrsou a impreshoná grandemente. Nos hóben atletanan di skol a demostrá na kiko perseveransia, talento i trabou den ekipo por hiba den e sirkuit di deporte eskolar.

Sint Joris College a logra e kampionato di Dodge bal (Trefbal) i a koroná su mes komo ganadó. Den Basketbòl 3×3 ku Aruba, Boneiru, Sint Maarten, Saba i Sint Eustatius komo kontrinkante, Kolegio Alejandro Paula a logra un fuerte di tres lugá i tambe e skol mas disipliná. Tambe den Atletismo a skor bon: den e kategorianan 2014-2015 i 2012-2013 Kòrsou a gana tantu e overall den e kompetensia di vários disiplina komo den e estafeta.

Ku e prestashonnan fantástiko aki, Kòrsou no solamente a proba su mes individualmente den deporte, pero tambe komo un kolekivo:

Kòrsou a wòrdu proklamá e mihó isla di Weganan Interinsular ABC 2025!

Nos ta invitá henter komunidat pa risibí nos kampionnan di skol na un manera festivo na nan yegada na Hato. Bin i laga nos huntu mustra kon orguyoso nos ta di e hóben talentonan aki ku a representá nos bandera ku orguyo i forsa den deporte eskolar.