Dos ilegal detené

KOMUNIKADO DI PRENSA 166/2025
29 aprel 2025
Dos ilegal detené
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaluna 28 di aprel 2025 alrededor di 01.41’or di mardugá, durante di kontròl den
Bargestraat, unidat di Punda a para un motorsaikel ku dos hòmber ariba.
Ta trata di dos hòmber di nashonalidat Colombiano ku tabata permanesé ilegal riba nos isla.
Ambos a keda detené pa violashon di e lei di Atmishon i Ekspulshon i a presentá nan dilanti
di un fiskal ouksiliar di Imigrashon, ku a laga sera nan pendiente di nan deportashon.
E motorsaikel a keda konfiská pa mas investigashon.
