Gobièrnu di Boneiru ‘𝐁𝐮𝐤𝐢 𝐝𝐢 𝐩𝐫𝐞𝐭’ 𝐩𝐚 𝐠𝐞𝐳𝐚𝐠𝐡𝐞̀𝐛𝐞𝐫 𝐉𝐨𝐡𝐧 𝐒𝐨𝐥𝐢𝐚𝐧𝐨

Gobièrnu di Boneiru

‘𝐁𝐮𝐤𝐢 𝐝𝐢 𝐩𝐫𝐞𝐭’ 𝐩𝐚 𝐠𝐞𝐳𝐚𝐠𝐡𝐞̀𝐛𝐞𝐫 𝐉𝐨𝐡𝐧 𝐒𝐨𝐥𝐢𝐚𝐧𝐨
Gezaghèber John Soliano a risibí un ‘Buki di prèt’ for di man e tim di boluntario (Michèle Knuf, Marit Groenman, Ezra i Marga Buys. ‘Buki di prèt’ ta un buki di vakansi ku vários aktividat dibertido pa alumno di skol básiko. Manera un rekorido na kuerpo di bombero, un tayer kreativo, deskuento ora kumpra eiskrim i hopi mas. Nan a krea e buki pa sòru pa nos muchanan tin un vakansi plasentero.
E aña akí nan ta parti e buki di vakansi pa di ocho biaha grátis na tur skol básiko di Boneiru. Boluntarionan ta traha e buki. E organisashonnan ku ta partisipá na e aktividatnan ku tin den e buki, ta paga un kontribushon. Nan kontribushon ta kubri e gastunan pa e buki.
Na Aruba tambe for di algun aña alumnonan di skol básiko ta haña e buki di vakansi. Aña pasá muchanan na Sürnam a haña e buki di vakansi pa di promé biaha.