Minister Shalten Hato Resultado kòntròlnan ku Inspekshon Ekonómimo a realisa riba djamars 17 juni 2025 den tim multidisiplinario, bou di direkshon/kordinashon di Actiecentrum Ondermijning Curacao – ACOC.

June 18, 2025 REDAKSHON

Minister Shalten Hato

Resultado kòntròlnan ku Inspekshon Ekonómimo a realisa riba djamars 17 juni 2025 den tim multidisiplinario, bou di direkshon/kordinashon di Actiecentrum Ondermijning Curacao – ACOC.
Instanshanan ku a forma parti di e kòntròl aki tabata:
Korps Politie Curaçao
Ministerio di Desaroyo Ekonómiko (MEO)
ROP (Handhaving)
Path Curaçao
GMN (Inspectie Milieu + Handhaving)
SBAB
Ministerio di Desaroyo Sosial, Labor i Bienestar (SOAW)
A kontrola na un total di 5 adrès kual ta:
1) Vicking Trucking B.V.(Ekipo pisa) situá na Seru Fortuna Bieu 274, kual tabata ok pa MEO.
A risibi atvertensha serka GMN (Inspectie Milieu).
2) Palmay Rental & Accessories situá na Kaya Kast 17,
Tabata ok pa MEO.
A ser verbalisa dor di GMN (Inspectie Milieu) den kuadro di medio ambiente i diferente vehikulo stashoná riba tereno di gobiernu.
E vehikulonan a risibí un sticker pa asina denter di 14 dia wòrdu kita for di riba tereno di gobiernu.
3) Kaya Malwa 14, aki a atende ku un persona ku ta drecha auto i tin esakinan stashoná kantu di kaminda kual ta tereno di gobiernu strobando pasashi di otro vehikulonan.
E la hanja òrdu pa kita e vehíkulonan denter di 14 dia. Sobra instanshanan lo chèk e sobra informashonan nesesario interno.
4) Pampanostraat ( Area di Marie Pampoen), aki a atende ku un persona ku ta drumi/biba den un outo.
Tambe tabata tin diferente auto, piesa di bròmer, scooter i mas riba tereno di gobiernu.
E persona mes a indiká ku e ke distansha di algun di nan kual esaki GMN lo atende pe.
SBAB lo soru pa registrá e persona aki ku un crib#. KPC lo sòru pa guia i juda e persona aki konhunto ku otro instanshanan konserni.
5) Garashi na un bibienda na Kaya Stila 73.
Durante kòntròl no a enkontra e persona responsabel na e lokalidat aki. Loke si a tuma nota di dje ta indikashon ku tin un negoshi di garashi akinan i tambe diferente omishon pa ku medio ambiente i vehikulonan stashoná riba tereno di gobiernu.