Nombramentu di Sr. M.J. (Mauritsz) de Kort komo e Gobernador nobo di Kòrsou / Benoeming van de heer mr. M.J. (Mauritsz) de Kort als nieuwe Gouverneur van Curaçao

Willestad, 30 di yüni 2025 – Gobièrnu di Kòrsou ta ser formá dor di Rei Willem-Alexander di Reino Hulandes i e ministernan di Kòrsou. E Rei ta keda representá den e gobièrnu di Kòrsou dor di e Gobernador di Kòrsou. Den e ròl ei, no ta e, sino e ministernan di Kòrsou, ta polítikamente responsabel na parlamento di Kòrsou (Staten). Tambe Gobernador ta e representante di gobièrnu di Reino i presidente di Konseho Konsultativo di Curaçao (“Raad van Advies”). Den Reino Hulandes tin eksigensianan haltu pa ehersé e funshon di Gobernador, manera entre otro kompetensia atministrativo, integridat, envolvimentu i abilidatnan sosial.

E aktual Gobernador, Sra. L.A. (Lucille) George-Wout, a fungi komo Gobernador di Kòrsou durante e último diesdos añanan i lo tin ku haña un susesor entrante 4 di novèmber 2025. Den e kuadro aki Konseho di Minister di Reino a aprobá awe e nombramentu di Sr. M.J. (Mauritsz) de Kort, di 51 aña di edat, komo e próksimo Gobernador di Kòrsou. Sr. de Kort lo tuma e enkargo over di Sra. Lucille George-Wout entrante 4 di novèmber 2025. E periodo di nombramentu di un Gobernador ta pa seis aña. Despues di e periodo aki e por keda nombrá un biaha mas pa un periodo máksimo di seis aña.

Sr. Mauritsz de Kort a kuminsá su karera komo abogado na Kòrsou, Sint Maarten i Aruba i a práktika komo tal te ku 2007. For di 2011 e ta trahando komo hues na Korte Komun di Hustisia di Aruba, Kòrsou, Sint Maarten i di Boneiru, Sint Eustatius i Saba, despues di e estudio pa bira hues di 2007 pa 2011. Di 2017 pa 2022 Sr. de Kort tabata, banda di  hues, miembro di e direktiva di Korte Komun di Hustisia i den e funshon ei Sr. de Kort a fungi komo visepresidente pa e filialnan di Korte Komun di Hustisia na Kòrsou i Boneiru. For di 2022 Sr. de Kort a keda nombrá komo presidente di Korte Komun di Hustisia. Durante su trayektoria Sr. de Kort a okupá diferente funshon den direktiva di organisashonnan kultural i sosial na Kòrsou i Sint Maarten.

Na nòmber di Konseho di Minister di Kòrsou, Promé Minister Gilmar Pisas ta felisitá Sr. Mauritsz de Kort komo futuro Gobernador di Kòrsou i ta dese’é sabiduria i éksito pa e ehersé su tarea nobo. Na mes momento, Promé Minister Pisas ta gradisí Gobernador aktual, Sra. Lucille George-Wout, pa e forma digno ku Sra. George-Wout a sirbi nos pais i e pueblo di Kòrsou durante e último diesdos añanan.

---

Willemstad, 30 jui 2025 – De regering van Curaçao wordt gevormd door Koning Willem-Alexander van het Koninkrijk der Nederlanden en de ministers van Curaçao. De Koning wordt in de regering van Curaçao vertegenwoordigd door de Gouverneur van Curaçao. In die rol is niet hij, maar zijn de ministers van Curaçao, politiek verantwoordelijk aan het parlement van Curaçao (de Staten). De Gouverneur is tevens de vertegenwoordiger van de regering van het Koninkrijk en voorzitter van de Raad van Advies van Curaçao. Aan de vervulling van functie van Gouverneur worden binnen het Koninkrijk hoge eisen gesteld, waaronder bestuurlijke bekwaamheid, integriteit, maatschappelijke betrokkenheid en sociale vaardigheden.

De huidige Gouverneur, mevrouw L.A. (Lucille) George-Wout, heeft de laatste twaalf jaar als de Gouverneur van Curaçao gefungeerd en zal op 4 november 2025 worden opgevolgd door een nieuwe Gouverneur. In dit verband is de Rijksministerraad vandaag akkoord gegaan met de benoeming van de heer mr. M.J. (Mauritsz) de Kort (51 jaar) als de nieuwe Gouverneur van Curaçao. De heer de Kort volgt aldus op 4 november 2025 mevrouw Lucille George-Wout op. De zittingstermijn van de Gouverneur is zes jaar. Na deze periode kan hij nog één keer worden herbenoemd voor een periode van maximaal zes jaar.

De heer Mauritsz de Kort begon zijn loopbaan als advocaat in Curaçao, Sint Maarten en Aruba en praktiseerde als zodanig tot 2007. Vanaf 2011 is hij als rechter werkzaam bij het Gemeenschappelijk Hof van Justitie van Aruba, Curaçao, Sint Maarten en van Bonaire, Sint Eustatius en Saba, nadat hij de opleiding tot rechter had gevolgd van 2007 tot en met 2011. Van 2017 tot 2022 was de heer de Kort, naast rechter, tevens bestuurslid van het Gemeenschappelijk Hof van Justitie en fungeerde hij in die hoedanigheid als vicepresident voor de vestigingen van het Hof te Curaçao en Bonaire. Sinds 2022 is de heer de Kort aangesteld als president van het Gemeenschappelijk Hof van Justitie. Tijdens zijn loopbaan bekleedde de heer de Kort diverse bestuursfuncties bij culturele en maatschappelijke organisaties op Curaçao en Sint Maarten.

Namens de Raad van Ministers feliciteert Premier Gilmar Pisas de heer de Kort als de toekomstige Gouverneur van Curaçao en wenst hem de nodige wijsheid en succes toe in het uitoefenen van zijn nieuwe taak. Tegelijkertijd bedankt Premier Pisas de zittende Gouverneur, mevrouw Lucille George-Wout, voor de waardige wijze waarop zij ons land en het volk van Curaçao de afgelopen twaalf jaar heeft gediend.