Minister Middelhof: Fortalesiendo Aliansanan den Karibe

Minister di Desaroyo Ekonómiko di Kòrsou, drs. Roderick Middelhof, a reuní ku Vice-Minister di Asuntunan di Relashonnan di Eksterior di Repúblika Dominikana, Sr. Hugo Fco. Rivera, pa trata temanan importante tokante kooperashon bilateral i oportunidatnan pa inisiativanan pa desaroyo ekonómiko di ambos pais. 

E diálogo aki ta suprayá e kompromiso di MEO pa diplomasia ekonómiko pro-aktivo i pa konstruí aliansanan stratégiko den region di Karibe. 

Minister Middelhof a hasi uso di e enkuetro pa entregá un karta den kua e ta reiterá e kompromiso di Kòrsou pa retomá e kombersashonan i negosiashonan pa yega na un akuerdo komersial bilateral ku Republika Dominikana manera akordá den e MOU firmá na 2017. Huntu ku Vise Ministro Rivera lo bai traha tambe riba akuerdonan pa koperashon riba areanan di seguridat alimentaria, akseso na kuminda mas ekonómiko, konektividat i eliminashon di visa.