University of Aruba Toastmasters Club (UTC) ta miembro di Toastmasters International y ta pertenece na Region 7, Districto 81, Area 5. Cu e meta pa crea lidernan den nos comunidad y pa tin mihor abilidad pa papia den publico. Ta usa idiomanan Ingles y Hulandes durante nan reunionnan.

Den e exposicion di Pokémon por haya parti di e historia y origen di Pokémon, over di algun wega di Pokémon, carchi di Pokémon, parti di Pokémon GO y tambe un bista riba e comunidad di Pokémon aki na Aruba. Cu ta bastante grandi y ta varia di diferente edad. Pasa pa asina sa un poco mas di tema.

E exposicionnan den Sala Safiro ta den forma di ‘cashi habri’’ cu ta keda pa 4 luna. Cada 4 luna tin un otro tema.

Tin un cashi habri disponibel pa otro instancia of organisacion (pa comunidad). Pa participa den e exposicion aki, por tuma contacto cu Sra. Yosmar Sneek via 528-1500.

Esnan di april-juli tabata tin como tema ‘Dera gay na Aruba’, ‘Coleccion di stampia’ y ‘Stampiaruba’ y esun di comunidad tabata di Fundacion Creciendo.

Publico ta cordialmente invita pa pasa na Sala Safiro.