Bishita di Promé Minister Pisas i Minister Middelhof na e planta nobo di bateria di Aqualectra

Willemstad – Awe, djamars 2 di sèptèmber 2025, Promé Minister Pisas huntu ku Minister Middelhof di Desaroyo Ekonómiko, riba invitashon di gerensia di Aqualectra a bishitá e planta nobo di bateria di Aqualectra: ‘Battery Energy Storage System’ (BESS) na Hòfi Mooi. BESS tin un kapasidat di 25 MW/45 MWh i ta esensial pa kapturá fluktuashonnan di bientu. E baterianan aki ta warda energia di bientu i ta konektá riba un ‘Energy management system’ pa na momentu di un interupshon òf un ‘Blackout’ por hasi uzo di energia riba nos ret.

Asina Aqualectra por oumentá konfiabilidat di nos ret pa un futuro duradero.