Gobièrnu di Kòrsou ta lansa di dos edishon di kampaña DI BO, PA BO, KU BO / Regering van Curaçao lanceert tweede editie campagne DI BO, PA BO, KU BO

Willemstad – Ministerio di Salubridat, Medio Ambiente i Naturalesa (GMN) ta lansa pa e di dos biaha e kampaña pa limpiesa i konsientisashon sosial “Di bo, Pa bo, Ku bo”. E kampaña ta enfoká riba limpiesa di nos isla, komo paso importante pa promové salubridat públiko. Meta ta pa krea un kultura di responsabilidat komun. Aña pasá, entre ougùstùs pa desèmber, a kolektá un total di 24 mion kilo di shushi durante “Di bo, Pa bo, Ku bo 2024”. Gobièrnu di Kòrsou ta kontentu ku e resultado i alabes ku e progreso di e kampaña nashonal di limpiesa. Motibu tambe pa ripití e kampaña i sigui konsientisá nos komunidat.

Pa e aña aki e periodo di e kampaña ta di 20 di sèptèmber te ku 7 di desèmber 2025. Den e periodo aki lo tin e bakinan grátis pa rekohé shushi den bario i vários akshon pa mehorá limpiesa den bario. Den e di dos edishon akí di “Di bo, Pa bo, Ku bo” e enfoke ta mas tantu riba separashon di shushi. Ku otro palabra, a skohe pa duna mas atenshon na klasifikashon di shushi i sostenibilidat. Tene Kòrsou limpi ta bira mas fásil ora komunidat ta komprondé ku shushi por tin balor. Mas i mas material ku normalmente nos ta tira afó, por biba un bida mas, si nos resiklá òf bolbe huza esaki. Gobièrnu ta traha riba maneho di shushi nobo ku ta enserá separashon di shushi resiklabel manera plèstik, karton, papel, metal i glas, pero tambe shushi ku por bira kòmpòst manera residuo di fruta, bèrdura, kòfi, saku di té, kaska di webu i tambe taki, blachi i yerba di kurá. Asta restunan di konstrukshon, manera betòn kibrá i klenku por resiklá na un kompania lokal.

Pa e periodo benidero tin kònteiner pa shushi den kuater zona di Kòrsou. Ta publiká kua zona ta na bùrt den medionan di komunikason i via kanalnan ofisial di Gobièrnu.

Zona 1: Wèst ta bira e promé zona. 
Kuminsando djasabra, 20 di sèptèmber i djadumingu, 21 di sèptèmber próksimo, tin baki di shushi durante tres (3) wikènt konsekutivo for di 8’or di mainta te ku 5’or di atardi. E bakinan di shushi lo ta ubiká na vèlt di Westpunt, vèlt di Barber, dilanti di Sentro di Bario di Soto, banda di misa di Tera Kòrá i na Nos Logro Minimarket na Boka Samí / St. Michiel. Tin kònteiner pa shushi resiklabel tambe.

Apertura ofisial riba World Clean Up Day 2025.
Riba djasabra, 20 di sèptèmber 2025, World Clean Up Day, tin apertura ofisial di e kampaña “Di bo, Pa bo, Ku bo 2025”. Riba e dia aki, tur aña di nobo miles di boluntario na Kòrsou ta piki shushi kant’i kaya, riba nos playanan i den laman, pa hasi nos isla mas limpi. Ku e apertura ku ta kai nèt riba e dia ei, Gobièrnu ke mustra su apresio pa tur e boluntarionan i ke prolongá e periodo pa limpiesa hopi mas largu ku djis un dia.

E apertura ofisial ta tuma lugá djasabra, 20 di sèptèmber na Nos Logro Minimarket na Boka Samí / St. Michiel, kuminsando for di 7’or di anochi te ku 9’or di anochi. E ta un aktividat pa pueblo i habitante di tur bario den Region Wèst. Promé Minister Gilmar Pisas i Minister Javier Silvania lo hiba palabra i animashon ta na enkargo di Hóben na Timon.

Gobièrnu di Kòrsou ta invitá tur suidadano pa partisipá na e komienso di un temporada di limpiesa i kolaborashon. Huntu nos ta sigui traha pa un isla mas limpi, mas sostenibel i mas saludabel.

---

Willemstad – Het Ministerie van Gezondheid, Milieu & Natuur lanceert voor het tweede jaar de campagne voor schoonmaak en sociale bewustwording “Di bo, Pa bo, Ku bo”. De campagne die in 2024 voor het eerst werd gehouden resulteerde in de verzameling van 24 miljoen kilo afval. Een herhaling is dus alleszins op zijn plaats. De campagne richt zich op het schoonmaken van ons eiland, het bevorderen van de volksgezondheid en het creëren van een cultuur van gemeenschappelijke verantwoordelijkheid.

De campagne loopt van 20 september tot en met 7 december, met het plaatsen van de bekende bakken waarin afval kan worden gegooid op strategische plekken in verschillende zones op het eiland. Deze en andere concrete acties zijn bedoeld om het correct verzamelen van afval en de netheid in de wijken te verbeteren. Voor 2025 ligt de focus op het scheiden van afval en het verbeteren van afvalbeheer. Meer nadruk dus op afvalscheiding en duurzaamheid.

Wanneer de gemeenschap begrijpt dat afval ook waardevol kan zijn, wordt het ook makkelijker om vuil op de juiste manier te verzamelen. De overheid werkt dan ook aan een nieuw afvalverwerkingsbeleid.  Steeds meer afval kan worden hergebruikt of verwerkt tot bruikbaar materiaal, zoals plastic, karton, papier, metaal en glas. Ook kan afval worden gecomposteerd, zoals fruit- en groenteresten, koffiedik, theezakjes en eierschalen. Zelfs bouwpuin zoals restanten beton en stenen, kunnen door een lokaal bedrijf worden verwerkt tot opnieuw bruikbaar bouwmateriaal.

Het hoofddoel van de campagne is Curaçao schoon te maken, alvast aandacht te geven aan het toekomstige afvalbeheersysteem en een duurzame verandering te realiseren. Voor het jaar 2025 is de campagne opgedeeld in vier zones. Steeds wordt gepubliceerd welke zone aan de beurt is en waar de bakken in de betreffende zones zijn geplaatst, via de lokale media en de sociale media kanalen van de overheid.

Zone 1: West is de eerste zone.
De afvalbakken worden geplaatst op het veld van Westpunt, het veld van Barber, voor het wijkcentrum van Soto, naast de kerk van Tera Kòrá en bij Nos Logro Minimarket in Boka Sami / St. Michiel, van 8 uur ’s ochtends tot 5 uur ‘s middags gedurende drie weekenden, op 20 en 21 september aanstaande.

De officiële opening van “Di bo, pa bo, ku bo” vindt plaats op World Clean Up Day.
Ieder jaar wordt ook op Curaçao door duizenden vrijwilligers een dag lang hard gewerkt aan het opruimen van vuil langs de weg, op onze stranden en zelfs in zee. Met de start van ‘Di bo, Pa bo, Ku bo 2025’ op deze dag wil de overheid haar dank uitbrengen aan de duizenden vrijwilligers. Ook wil zij met de actie bewerkstelligen dat het goede initiatief maanden wordt voortgezet in plaats van slecht een dag in het jaar.

De campagne gaat van start met een evenement voor de bevolking van Curaçao. Dit gebeurt op zaterdag 20 september bij Nos Logro Minimarket op Boka Samí/ St. Michiel, vanaf 7 uur ‘s avonds. Naast openingsspeeches van Minister President Gilmar Pisas en Minister van Gezondheid Javier Silvania, is er ook een optreden van Hóben na Timon.

De regering van Curaçao nodigt alle burgers uit om deel te nemen aan het begin van een seizoen van schoonmaak en samenwerking. Samen kunnen we werken aan een duurzamer en gezonder eiland.