Djasabra, dianan 27 Sèpt, 4, 11, 18 i 25 di Oktober 2025, tin posibilidat pa inskribí komo miembro di e organisashon hubenil JEUGD LUCHTVAART BRIGADE

 

JEUGD  LUCHTVAART  BRIGADE

 

Willemstad,24-9- 2025

 

Djasabra, dianan 27 Sèpt, 4, 11, 18 i 25 di Oktober 2025, tin posibilidat pa inskribí komo miembro di e organisashon hubenil JEUGD LUCHTVAART BRIGADE.

 

Jeugd Luchtvaart Brigade, popularmente konosí komo JLB, ta un klup pa tur hóben maskulino i femenino ku ta interesá den aviashon i buelo espasial. Sea ku un hóben ke siña mas di aviashon, pasombra despues e ke bai traha den un ramo di aviashon òf pasombra e ke praktiká aviashon komo hòbi, JLB ta e kaminda pa e por risibí tur informashon riba aviashon na un manera struktura.

 

Na JLB e hóben ta haña lès den materia di entre otro Nabegashon Aéreo, Instrumentashon di Avion, Motor di Avion, Aerodinámika, Meteorologia, Historia di buelo Espasial, Historia di Aviashon, Rekonosimentu di Avion, Kòntròl di Tráfiko Aéreo, Simulashon di buelo i hopi mas.

Dependiendo di interes di e miembro, e nivel por varia di elemental te kasi nivel di ” “Sportvliegbrevet”.  Nos ta hasi esaki mediante lèsnan klasikal i ekskurshon na instansianan di aviashon lokal. 

 

Banda di aktividat riba tereno di aviashon e miembronan ta risibí formashon pa hasi nan un miembro ehemplar di nos komunidat. Esaki ta sosodé pa medio di lèsnan di formashon i charlanan di instansianan importante pa norma- i balornan den nos komunidat.

 

E hóben ku tin interes pa bira miembro mester tin 13 aña di edat i ku ta den klas 1 di skol sekundario VSBO / HAVO / VWO /of 1é klas di MTS (òf otro tipo di enseñansa di mes nivel), Por pasa djasabra dia 27 Sèpt, 4, 11, 18, òf 25 di Oktober próksimo pa hasi un tèst chikí. E tèst ta kuminsá 3’or  di atardi i despues lo tin un programa di informashon ku ta tèrminá 5.30 di atardi. (Kòrda bini ku pèn). Inskripshon lo ta na e klup di JLB na aeropuerto, drenta na e hèfboom i subi e lugá di parker dilanti di edifisio di Jet Center i Porto mediko na aeropuerto Hato.

 

Si mester di mas informashon por pasa Djasabra of jama na telefon 869 1133 durante e orario ariba menshona.

 

Pues hobenan i mayornan no perde e opotunidat aki i inskribi bo mes na JLB.

Attentamente,

S.Gerard

Jeugd Luchtvaart Brigade.

Afdelingscommandant