KUERPO POLISIAL KÒRSOU 

 

KOMUNIKADO DI PRENSA

378/2025

7 òktober 2025 

 

Detenshon i konfiskashon den kaso di aksidente ku morto 

 

Relashoná ku e aksidente di tráfiko fatal ku a tuma lugá dia 7 di òktober 2025 riba  Caracasbaaiweg (Komunikado di Prensa 375/2025), polis a realisá un detenshon. Riba e mesun fecha aki alrededor di 16.45’or, despues di investigashon i  

informashon di públiko ku a drenta na polis, personal di Departamentu di Tráfiko a  detené e hòmber A.S. di 22 aña di edat nasé na Kòrsou. 

Su detenshon a tuma lugá na un adrès den Patiaweg. 

Na e kas ei a konfiská tambe e vehíkulo ku tabata enbolbí den e aksidente. 

A presentá e sospechoso dilanti di un fiskal ouksiliar ku a ordená su enkarselamentu  pendiente di mas investigashon.